Eysturskúlin fingið Veðurlagsvirðisløn Føroya Lærarafelags
Á aðalfundinum hjá Føroya Lærarafelagið í dag, 20.juni, varð Veðurlagsvirðislønin handað og Eysturskúlin vann virðislønina.
Hetta er fyrstu ferð at virðislønin verður handað. Føroya Lærarafelag samstarvar við Betri og FNU um virðislønina, og partarnir ynskja, at føroysk útbúgving í størri mun leggur dent á kunnleikan um veðurlags- og umhvørvisavbjóðingar, so at børn og ung fáa øktan kunnleika og verða meiri tilvitað um hesar avbjóðingar. Læra um burðardygga menning er eitt øki, ið vit sum skúli og samfelag eiga at geva gætur.
Fyri at vinna virðislønina, skuldi vinnarin lúka minst eitt av hesum krøvunum:
- Skarað framúr í arbeiðinum við útbúgving í burðardyggari menning.
- Verið virkin í at økja tilvitanina um, hvussu verðurlagsavbjóðingar kunnu loysast. Loysnirnar kunnu vera staðbundnar og til dømis snúgva seg um orkunýtslu, burturkast, nýtslu, keyp og flutning.
- Fingið burðardygga menning við í arbeiðið í skúlanum.
Eysturskúlin vann virðislønina fyri tað megnar arbeiði tey hava lagt í urtagarðin og grøna økið við skúlan. Næstan eingin skúladagur fer framvið, har ikki onkur undirvísing er uttanfyri.
Tað var ein fegin og errin skúlastjóri, sum saman við Jóhann, lærara, og næmingunum Rannvá og Christinu, tók ímóti virðislønini. Virðislønin er eitt Veðurlagsprógv í rammu, plantur og ein kekkur á 25.000,- kr.
Myndirnar síggjast her:
http://www.eysturskulin.fo/?p=347