Jólini í Eysturskúlanum
Í vikuni undan jólum, er skúlagongdin eitt sindur broytt. Vanlig skúlagongd er mánadagin og týsdagin, men næmingarnir sum hava longri skúladag mánadag, fáa frí kl. 13.30.
Týskvøldið 18. december er framførsla fyri foreldrunum og avvarðandi í 5. og 1.flokki.
Mikumorgunin er kirkjugongd. Øll møta kl. 8.00 og ganga saman oman í Havnar Kirkju, har jólaguðstænastan er. Aftaná kirkjugongdina verða næmingarnir í 1. og 2. flokki fylgdir niðan aftur í skúlan og frítíðarskúlin heintar næmingarnar kl.10.30. Allir hinir næmingarnir hava frí.
Hósmorgunin kl. 9.00 er jólahaldið fyri allar næmingarnar. Vit dansa um jólatræið, hoyra eina søgu, hyggja eftir jólasjónleikinum í høllini og aftaná fáa øll hvør sín jólapakka. Frítíðarskúlin heintar næmingarnar kl. 12.00
Jólahaldið hjá Nám X er kl. 11.00.
So er jólaferia og vit byrja aftur í skúlanum mánamorgunin 7.januar.
Vit ynskja tykkum øllum eini gleðilig jól og eitt gott nýggjár.