Námsfrøðilig stuðulsstørv
Námsfrøðilig stuðulsstørv í Eysturskúlanum
Søkt verður eftir tveimum námsfrøðiligum stuðlum í føst størv frá 1. august 2018. Lønarbrotið hjá tí eina námsfrøðiliga stuðlinum er 0,75 og hjá hinum 0,6.
Starvið sum námsfrøðiligur stuðul er lønt sambært avtalu millum Føroya Pedagogfelag og Fíggjarmálaráðið í lønarflokki 11-20, og frá 1. oktober 2018 í lønarflokki 11-21. Hjálparfólk verða lønt í lønarflokki 3-8.
Førleikakrøv
Skúlanum tørvar námsfrøðingar, sum kunnu arbeiða við næmingum við serligum tørvi. Arbeiðið fevnir um stuðul til næmingar í miðdeild. Arbeitt verður í flokkum, smærri bólkum og ein til ein.
Søkt verður eftir námsfrøðingum sum:
Hava útbúgving sum námsfrøðingar ella royndir. Um eingir námsfrøðingar søkja, verða størvini skipað sum hjálparfólkastørv.
Royndir innan serøkið er ein fyrimunur.
Duga væl at samstarva og samskifta
Áhaldandi vilja menna seg sjálvan og skúlan
Dáma avbjóðingar
Seta tollyndi í hásætið
Í Eysturskúlanum leggja vit dent á:
At arbeiða í einum lærandi felagsskapi
At arbeiða innovativt
Í felagsskapi at menna okkum fakliga og sosialt
At tollyndi skal verða grundleggjandi fyri alt okkara virksemi
Umsóknir:
Umsóknir við avriti av prógvi, CV og møguligum viðmæli skulu verða skúlanum í hendi í seinasta lagi mikudagin 20. juni kl. 12.00. Umsóknir verða sendar til:
Eysturskúlin
Tórgarðsgøta 17
Postboks 3178
110 Tórshavn
Ella í teldubrævi til eys@skulin.fo
Meira fæst at vita um størvini við at seta seg í samband við skúlastjóran, Eyðdis Eidesgaard á tlf. 214752