Góðu foreldur 

Nú var tíðindafundur í gjár, og allarhelst fylgdu tit eins og vit við, hvørji nýggj tilmæli eru fyri skúlan, nú vit nærkast jólum.

Eitt greitt tilmæli er, at fólk uttanífrá ikki skulu koma inn í skúlan, men at skúlin/næmingarnir eru í teimum bólkum í skúlanum, sum teir hava verið í alt heyst.

Hóast vit vóru optimistisk og vónaðu, at vit kundu bjóða foreldrum inn til framførsluna, noyðast vit at viðurkenna, at tað letur seg ikki gera.

Vit avlýsa framførsluna fyri foreldrunum, sum skuldu verða mikukvøldið, 16.desember.

Spell, at so skuldi verða, men tað er eitt plástur upp á sárið, at næmingarnir sleppa á pallin at framføra fyri næmingunum í Eysturskúlanum.

Jólahaldið, hósdagin 17.desember, í skúlanum verður sum sagt, sum ætlað, og í hesum tøkniligu tíðum, hava vit avgjørt at taka framførslurnar á pallinum upp og leggja tær út á heimasíðu skúlans. So kunnu tit hyggja at og njóta sjónleik og sang heima.

Jólaguðstænasturnar í Havnar kirkju fríggjadagin verða eisini, sum ætlað.