Teldupostur sendur foreldrunum í Nám X
Góðu foreldur/avvarðandi
Seinnapartin eru teldupostar sendir tykkum, har kunning er um koronastøðuna í Nám X. Eisini er viðfest skjal, har tíðarætlanin yvir jólaroyndina er við. Um tað er onkur, sum ikki hevur fingið teldupostin, er teksturin niðan fyri her. Aðra staðni á heimasíðuni er tíðarætlanin løgd út, og niðast í hesum uppslagnum er vegleiðing, hvussu næmingarnir rita seg inn til royndina.
GG! Næmingarnir skulu halda seg heima til næstu testina og ikki ganga úti og reika, um tað ikki er neyðugt; hugsa um frástøðu og reinføri.
Góðu foreldur og næmingar í NámX
Í samband við skrivið, sum varð sent næmingum og foreldrum í NámX í gjár, 28.november, frá landslæknanum, hevur Eysturskúlin nú verið í samband við Koronavegleiðingina (Pál Weihe) um, hvussu vit bera okkum skilabest at í komandi viku fyri at verja okkum fyri møguligari smittuspjaðing.
Niðurstøðan er henda:
Allir næmingar í NámX vera heima við hús til í fyrsta lagi til og við hósdagin 3.desember; t.v.s. teir eru heima í morgin og fyrireika seg til royndirnar, sum byrja týsdagin.
Allir næmingar skulu testast. Teir næmingar, sum ikki hava testað seg í gjár, vera bidnir um at gera tað í morgin. Allir næmingarnir í NámX skulu testa seg aftur 2.desember og fáa svar 3.desember
Jólaroyndin hjá NámX verður sum ætlað. Royndin er talgild, so næmingarnir eru til roynd heimanífrá. Sí royndaryvirlit, sum er viðkrøkt teldupostin og vegleiðing um atgongd til royndirnar.
Fríggjadagin 4.desember, møta næmingarnir, sum hava støddfrøði, til roynd í Eysturskúlanum, um smittan ikki hevur breitt seg. Hetta frætta tit nærri um, um so er.
Teir næmingar, sum landslæknin hevur ringt til, og sum eru í sóttarhaldi alla vikuna, møta ikki, men fara til roynd í støddfrøði á netinum.
Blíðar heilsanir
Bjarni Djurholm, varaskúlastjóri
Eyðna Magnussen, skúlastjóri
Eysturskúlin
tlf. 214755 | eydna.magnussen@skulin.fo
tlf.302540 | www.eysturskulin.fo |
Tit finna royndina soleiðis: rita inn roynd.skulin.fo
Tit rita inn við office brúkaranum.
Um brúkari/loynital ikki virkar, ringið so á skrivstovuna, so hjálpa vit tykkum.