Vit søkja eftir lærara og námsfrøðingi
Størv í Eysturskúlanum skúlaárið 2020/2021
Hesi størv eru leys at seta í Eysturskúlanum frá august 2020:
· Ein lærari fyri lærara í barnsburðarfarloyvi fyri tíðarskeiðið, 18.august 2020 til 17.juni 2021.
Endaliga tímatalið verður ásett eftir 1. september 2020.
· Einum námsfrøðingi í tíðaravmarkað starv frá 1.august 2020 til 31.juli 2021.
Søkt verður eftir lærara, sum:
· Er útbúgin lærari
· Dugir at samstarva
· Er fyrikomandi
· Hevur hugsjónir og dirvi at ganga nýggjar leiðir í undirvísingini
· Hevur árræði til at taka ábyrgd
· Áhaldandi vil menna seg sjálvan og skúlan
Skúlanum tørvar lærara, sum kann undirvísa í innskúling, miðdeild, hádeild og NámX við linjulærugreinunum danskt, náttúru og tøkni, støddfrøði, alisfrøði og evnafrøði, landafrøði, ítrótt og handverk og list.
Viðkomandi skal eisini hava hug og hegni at undirvísa næmingum við serligum avbjóðingum.
Vit ynskja at seta lærarar, sum duga væl at samvirka og samstarva í toymi, eru væl fyri á KT-økinum, eru fakliga væl grundaðir og hava góðar relatiónsførleikar.
Lønar- og setanartreytir:
Talan er um barnsburðarfarloyvisstarv. Starvið er lønt í lønarflokkunum 18.1 – 29.2 sambært avtalu millum Føroya Lærarafelag og Fíggjarmálaráðið og verður sett sum tíðaravmarkað sáttmálasett starv, uttan so, at tann, sum settur verður, er tænastumannasettur lærari frammanundan.
Eysturskúlin søkir eftir námsfrøðingi skúlaárið 2020/2021
Vit vænta, at tú:
· Ert útbúgin námsfrøðingur
· Dugir at samstarva
· Hevur hugsjónir og dirvi at ganga nýggjar leiðir
· Saman við lærarum skipar skúladagin hjá næmingum, ið hava serliga avbjóðingar
· Er fyrikomandi
· Dugir væl at samvirka og samstarva í toymi, er væl fyri á KT-økinum, er fakliga væl grundaður og hevur góðar relatiónsførleikar
Talan er um tíðaravmarkað starv í eitt skúlaár við setanarbroti 0,7 sambært sáttmála millum Føroya Pedagogfelag, Fíggjarmálaráðið og Kommunala Arbeiðsgevarafelagið. Námsfrøðingurin er løntur sambært sáttmála millum Fíggjarmálaráðið og Føroya Pedagogfelag. Tann, ið settur verður, eigur at tola broytingar í starvinum.
Í Eysturskúlanum leggja vit dent á:
· At arbeiða í einum professionellum lærandi felagsskapi, PLF toymum
· At visión og virðisgrundarlag skúlans er grundleggjandi fyri alt virksemi, ið fer fram
· At arbeiða innovativt
· Í felagsskapinum at menna okkum fakliga og sosialt
· At tollyndi er grundleggjandi fyri alt okkara virksemi
Umsóknir:
Umsóknir við avriti av prógvi, CV og møguligum viðmælum skulu verða skúlanum í hendi í seinasta lagi 27.mai 2020 kl. 12.00. Umsóknir kunnu sendast við telduposti til: eydna.magnussen@skulin.fo ella sendast til:
Eysturskúlin
Att: Eyðna Magnussen
Tórgarðsgøta 17
100 Tórshavn
Meira fæst at vita um størvini við at seta seg í samband við skúlastjóran, Eyðnu Magnussen á tlf. 214755
Komandi skúlaár ganga 502 næmingar í 1.-10.flokki í Eysturskúlanum. 47 lærarar og 2 námsfrøðingar arbeiða í skúlanum