Virksemi á fólkaskúlaøkinum varð lukkað niður seinasta mánadag, 16.03. 2020, og hetta heldur fram til páskafrítíðina.

Eysturskúlin er bert opin fyri næmingum, hvørs foreldur av neyðsynjararbeiði hava tørv á ansingartilboði til næmingar í 1., 2. og 3.flokki.

Hetta virksemi verður samskipað við frítíðarskúlan.

Í hesum sambandi skulu foreldur, ið hava tørv á skúlatilboði, boða frá hjá varaskúlastjóranum, nær tey hava tørv á skúlatilboði, og við hvørji orsøk. Hetta skulu foreldur gera helst í seinasta lagi dagin fyri áðrenn kl. 16.00, so virksemið kann skipast. Hetta kann gerast við at ringja tlf. 213699 ella við at venda sær til flokslæraran, sum síðani setur seg í samband við leiðsluna.

Eysturskúlin ger alt fyri at skipa soleiðis fyri, at virksemið er so trygt sum gjørligt og til minst møguligan ampa fyri børn, foreldur og starvsfólk.

Vinarliga

Eyðna Magnussen, skúlastjóri