Broyta hald til Strok frá Píka7
Næmingar, sum hava hildið Píka7, og sum vilja verða haldari av STROK, mugu boða Bókamiðsøluni frá. Riggar tað ikki á netinum, ber til at ringja 313756.
Hava tit sæð valplakatirnar hjá Strok og Píka7? Tær hanga millum allar hinar valplakatirnar runt í býnum. Og bløðini eru komin aftur úr summarfrí og eru býtt út til haldararnar seinasta skúlaár. Eisini hava næmingarnir í 4.flokki fingið Strok og næmingarnir í 1.flokki hava fingið Píka7 heim við, sum ein brellbita.
Tey hjá Strok.fo siga soleiðis:
Øll søla fer fram á netinum
Eins og í fjør ber bara til at keypa hald á netinum, antin á strok.fo ella pikasjey.fo. Fyri at keypa hald skulu tey gera ein vanga/brúkara, sum tey altíð kunnu rita seg inn á og dagføra upplýsingar um t.d. skúla, flokk ella gjaldskort, keypa fleiri hald ella siga haldið frá sær.
Haldaraskipanin virkar soleiðis, at øll eru haldarar, til tey siga haldið frá sær. Vart tú STROK-haldari í fjør, so ert tú eisini STROK-haldari aftur í ár – um tú ikki hevur sagt haldið frá tær.