Rennidagurin
Vanlig skúlagongd var frá 8-9.30, men grund-og miðdeildin hevði skipað fyri undirvísing uttandura á Eysturvølli. Har vóru ymiskar kappingar og so kundu tey eisini taka felagsmyndir. Áðrenn renningina, var fríkorter.
Rennidagurin byrjaði við upphiting í skúlagarðinum, og renningin byrjaði við Tórgarðsgøtu, har rennast skuldi oman eftir. Síðani skuldi rennast yviri við Strond, niðan eftir Hoyvíksvegnum, Óðinshædd, Breiðablik og yvir móti skúlanum. Hvørt umfar var 3 km. Í ár var renningin skipað sum kapping, har flokkurin, sum rann flestar kilometrar pr. næming, vann.
Nógv var gjørt burturúr. Lærarar runnu við ballónum, sum ferðhaldarar, júst sum til rennikappingar, og næmingarnir løgdu nógv fyri og runnu fleiri umfør. At byrja við, var veðrið gott, men so fór at regna. Men tað gjørdi ikki mun, tí tey runnu líka til kl. 12, tá renningin endaði.
Endin var, at næmingarnir runnu 2377 kilometrar tilsamans. Og nakrar afturat, tí fleiri lærarar runnu eisini við. Teir, sum runnu longst, runnu 18 km.
Kl 12.30 vóru vinnararnir avdúkaðir í skúlahøllini. Í grunddeildini vann 2. flokkur, í miðdeildini vann 5. a og í hádeildini vann 7.a. Flokkarnir fingu ein túr í bowlinghøllina og eitt ferðasteyp, sum skal standa í flokkinum til næstu skúlarenning.
Myndir, tiknar við fartelefon eru her:
http://www.eysturskulin.fo/?p=313
Og við fototólið her:
http://www.eysturskulin.fo/?p=313&_sp=albumcollections_albums&AlbumId=329&l=fo