Verið varin í ferðsluni
VERIÐ VARIN Í FERÐSLUNI
Góðu foreldur hjá næmingum í Eysturskúlanum
Myrka tíðin nærkast, børnini eru farin aftur í skúla, og vit vilja fegin tryggja okkum, at børnini koma trygg í skúlan.
Eysturskúlin er stórur skúli, og børnini koma inn í skúlan úr Tórgarðsgøtu, Skúlagøtu og Dj. í Geilgøtu. Skúlin er staðsettur har eingin tá í tíðini hevði ímyndað sær, at ein ella fleiri bilar fóru at hoyra til hvørt hús.
Tí er alneyðugt, at vit hugsa um hvør annan í ferðsluni.
Áheitan um umhugsni og varsemi í ferðsluni
Vit heita á øll foreldur um at gera sítt til, at næmingarnir koma trygt og lagaliga í og úr skúla. Fylgið børnunum í skúla til gongu, um tað ber til, ella latið tey ganga ella súkkla, tá tey eru nóg stór og trygg í ferðsluni. Bussar steðga eisini beint uttanfyri skúlan, bæði 3`arin og 2`arin.
Minnist til endurskin!!!
Nøkur ferðsluráð til av- og áskipan
Úr Tórgarðsgøtu.
Steðgið í Tórgarðsgøtu – við bussskýlið og setið børnini av. Koyrið ikki inn á p-økið við skúlan. Tað skapar ferðsluruðuleika, og smáu børnini síggjast ikki aftur millum bilarnar á økinum. Eisini er trupult hjá starvsfólkum skúlans at sleppa av við bilarnar og tískil til arbeiðis.
Úr Skúlagøtu – við lítlagarð
Steðgið í Tórgarðsgøtu – fram við gongubreytini – og setið børnini av. Ansið eftir, at tit ikki steðga ov ovarliga, tí trongligt og vánaligt sýnið er í krossinum, har gonguteigarnir, sum børnini nýta, eru.
Úr Dj. í Geilgøtu
Setið børnini av á parkeringsøkinum uttan fyri skúlagarðin. Eingin bilur eigur at koyra inn í skúlagarðin.
Vinarliga
Leiðsla Eysturskúlans