Mál- og mentanarbreyt
Dámar tær kreativar og øðrvísi avbjóðingar í føroyskum og donskum máli? Dámar tær at taka ábyrgd og at vera við til at menna tín málførleika á ein øðrvísi hátt?
Endamál:
- at víðka málsliga medvitið, førleika og sjónarringin hjá næmingum
- at víðka um og gera málið hjá næminginuma fjølbroyttari í talu og skrift
- at menna kjakmentanina, læra teir at kritisera, argumentera og perspektivera
- at læra at miðla- og nýta tøknfrøðiligu møguleikarnar í samskifti við onnur
Á breytini arbeiða vit við:
- føroyskum, donskum og norðurlendskum málum - bókmentum og mentan
- bløðum, lýsingum, heimasíðum - filmum/miðlum, myndum og drama (leiki)
Ymiskar vitjanir á mentanarstovnar og søvn
Nøkur vitjanarstøð:
- Kringvarpið og miðlar
- Søvn landsins
Tilfar
Undirvísingartilfarið á málbreytini verður ein samanseting av:
- føroyskum og norðurlendskum bókmentum
- norðurlendskum og føroyskum stórfilmum
- ymiskum framløgum um ymisk evni, so næmingurin fær innlit í, hvussu ymiskir framløguhættir eru egnaðir til ymisk endamál
- har Microsoft Office 365 verður nýtt sum samskiftismiðil
- at læra forritini PREZI og Pover Point til framløgur o.a
- at læra at leggja tekst, myndir og hugleiðingar inn á heimasíðu og sosialar miðlar
Árið endar við bókmentanarligari ritgerð/verkætlan, har næmingurin hugsavnar seg í einum av omanfyri nevndu evnum.
Verkætlanin er í samsvari við viðkaða fráfaringarstøðið í føroyskum og donskum (10. fl.).