Tøknibreyt

Endamál:

Tøknibreytin er til ung fólk, ið hava hug og dirvi at royna okkurt innan tekniska økið.

Tú ognar tær royndir innan bil, - el- og metalfakið, ið gera teg betur fyri at velja tær lívsleið.

Tú verður brynjað(ur) at taka við teimum avbjóðingum, ið vinnan og samfelagið bjóða tær og fyrireikað/ur at fara út í vinnuna og samfelagið.


Innihald:

Tú fert at arbeiða við áhugaverdum evnum á bil-, el- og metaldeildini.

Fyrsta dagin verður kunning um møguleikarnar tú hevur, og tá skal tú eisini velja ímillum fakini

“bil - el - metal”. Hetta val verður fram til heystferiuna.

Eftir heystferiuna velja tit aftur yrki (bil - el ella metal). Møguleiki er at halda fram á somu deild, ella tit kunnu skifta deild

Á Bildeildini verður nomið við grundleggjandi “biltøkni”. Millum annað, hvat hendir tá ið vit starta bilin. Hvussu motorurin er uppbygdur. Hvat munurin er á vanligum bili, einum Hybrid-bili og einum el-bili. Tit koma at arbeiða við motorum, bremsum, el/ljós- skipan o.ø.

• Á Eldeildini fert tú at arbeiða innan el- og elektronikk á verkstaðnum, har tú lærir um káplar, avbrótarar, stikkontaktir, og har tú eisini lærir at brúka ymisk mátitól.

Á Metaldeildini kemur tú at arbeiða við sveising og plátuarbeiði. Endamálið er at vísa tær, hvat metalfakið inniheldur, og hvørjir møguleikar eru framyvir. Tú fært undirvísing í ymiskum sløgum av sveising. Tá skeiðið er liðugt, fært tú ein lut heim við, sum tú sjálvur hevur evnað til.


Starvsleið: 

Ætlar tú tær útbúgving innan handverk og/ella atstøðiliga útbúgving innan metal-, el- ella aðra líknandi útbúgving, so er tøknibreytin nakað fyri teg.