Boðklivin

Lús

25.11.2020: Ein næmingur í flokkinum hevur havt lús. Gott í tykkum, kembið børnunum, so vit fáa bast óynsktu gestunum sum skjótast.

Sí leinki við góðum ráðum um at basa lús: http://gigni.fo/index.asp?pID={E272885A-DD45-4BAD-AED2-9E3BBC423AC6}

Foreldraviðtalur

19.11.2020: Góðu foreldur í 5.B!

Fyrru viðtalurnar hetta skúlaárið verða hósdagin 26. november. Hesaferð verða børnini ikki við. Eg vil heita á tykkum um at brúka eina lagaliga løtu at fylla næmingasamrøðuskjalið út og lata mær tað aftur skjótast gjørligt, í seinasta lagi týsdagin 24. november.

Vit práta um atburð og trivnað, fakligu støðuna, úrslit frá lesikanningum og landsroyndunum. Næmingasamrøðuskjalið verður eisini grundarlag undir viðtaluni.

Vit verða í floksstovuni hjá 5.B (sama floksstova sum í fjør). Til viðtalurnar verða Hanna Lassaberg og undirritaða.

Liggur ikki fyri at koma ásettu tíðina, kunnu tit býta um innanhýsis. Sigið mær frá, um tit býta um, ella um tað ikki liggur fyri at møta, í seinasta lagi týsdagin 24. november.

Blíðar heilsur

vegna flokstoymið

Lív Reinert Nielsen, tel. 504045

liv.reinert.nielsen@skulin.fo

Kunning um korona, uttanlandsferðir og skúlagongd

Sambært nýggju koronavegleiðingini, er skúlans støða henda:

12.11.2020: Um næmingar og starvsfólk fara uttanlands, kunnu næmingar og starvsfólk koma aftur í skúla, tá ið tey hava fingið negativt svar upp á testina 6.dag. Tíðin millum test við landamarkið og testina 6. dag eru fólk í heimasóttarhaldi.

Uppstillingarlisti til skúlastýrisvalið

Vit hava vitjað Tórshavnar býarsavn

Vit hava havt eitt sindur um Føroyar undir 2. heimsbardaga. Hetta hevur dámað teimum sera væl. Vit tóku samanum við at fara á vitjan á Býarsavninum.

Kunning úr Mentamálaráðnum: Innbjóðing frá Javna um Syskinabólkar

22.10.2020: Niðanfyri er innbjóðing frá Javna, sum fer at skipa bólkar fyri systkin at børnum og ungum, sum bera brek.

Bólkarnir eru fyri børn í aldrinum 7 - 13 ár.

Freistin at boða frá luttøku er sunnudagin 1. november 2020.

Sí leinkið: http://javni.fo/news/717?fbclid=IwAR1T-f9e4jd26xE0jtbrsiFf_bok_FYPWbBaFtNBPAqhnWlZeZwAUecq8zs

Skúlastýrisvalið 2020

Vilt tú hava ávirkan á virksemi í skúlanum, og hevur tú eina meining um, hvørji undirvísingaramboð skúlin skal brúka, og hvørjar fysiskar ábøtur skúlanum tørvar, so kanst tú stilla upp til skúlastýrisval 10. november í ár.

20.10.2020: Allir sjálvstøðugir skúlar í Føroyum hava eitt skúlastýri, sum er mannað við umboðum fyri foreldrini, kommununa og (í størri skúlum) starvsfólkini.

Foreldur hava ein stóran leiklut í skúlagongdini hjá einstaka barninum. Tey eru við til at skapa tryggleika, trivnað og læring. Samskifti og samstarv millum skúla og heim hevur tí alstóran týdning, bæði fyri menningina hjá einstaka barninum og menningina hjá skúlanum sum heild.

Samstarvið fer fram í gerandissamskifti millum skúla og foreldur, men við foreldraumboðunum í skúlastýrinum kunnu foreldur eisini fáa beinleiðis ávirkan á, hvussu gerandisdagurin í skúlanum verður skipaður.

Øll foreldur við foreldramyndugleika hjá børnum, sum eru skrivað inn í ein ávísan skúla, hava valrætt og valbæri. Skúlastýrisvalið verður sum vanligt samstundis sum kommunuvalið, 10.november 2020, og foreldur at skúlabørnum fáa útflýggjað valseðil til skúlastýrisvalið saman við valseðlinum til kommunustýrið.

Vallistin liggur frammi á skrivstovu skúlans frá í dag, 20. oktober. 26. oktober kl. 19.00 verður uppstillingarfundur í skúlahøllini í Eysturskúlanum. 3. november, sjey dagar fyri valdagin, skulu uppstillingarlistar latast formanninum í valnevndini.

Sí annars kunning á heimasíðu skúlans, http://www.eysturskulin.fo/

Góða heystferiu!

09.10.2020: So kom hon endiliga, heystferian! Vit hava havt ein frálíkan rennidag í Eysturskúlanum! Børnini í 5.B vóru sera røsk at renna. Tilsamans runnu tey 126 km, og í miðal rann hvør næmingur heilar 9,7 km! Flokkurin, sum rann longst í miðdeildini, var 6.B við 12 km í miðal. Vónandi fáa tit øll nakrar góðar frídagar. Vit síggjast aftur mánamorgunin 19. oktober!

Seturskúlin útsettur

23.09.2020: Tíverri kunnu vit ikki fara á seturskúla í komandi viku, sum vit ætlaðu. Leiðslan hevur verið í sambandi við Korona-ráðgevingina, sum mælir okkum frá at fara á seturskúla nú. Tí verður seturskúlin enn einaferð útsettur - hesaferð til várs.

Kunning um landsroyndirnar

17.09.2020: Sum tit vita, verða útsettu landsroyndirnar hildnar í komandi viku. Næmingarnir í 5.B skulu til tvær royndir í føroyskum, einari í støddfrøði og einari í náttúru og tøkni. Sí kunning frá leiðsluni niðanfyri:

Útsetta landsroyndin 2020

Landsroyndin 2020 5. flokkur 7. flokkur
22. september 2020

Føroyskt

08:15 - 09:00 Lesifatan

09:00 - 09:30 Steðgur

09:30 - 10:15 Staviførleiki

11:00 - 12:00 Náttúra og tøkni
23. september 2020

08:15 - 09:00 Støddfrøði

09:00 - 09:30 Steðgur

09:30 - 10:15 Náttúra og tøkni

11:00 - 12:00 Støddfrøði
24. september 2020  

Føroyskt

08:15 - 09:00 Lesifatan

09:00 - 09:30 Steðgur

09:30 - 10:00 Málførleiki

10:00 - 10:30 Steðgur

10:30 - 11:15 Staviførleiki

Landsroyndin, sum skuldi vera í vár, tá ið næmingarnir gingu í 4. og 6.flokki, men sum varð útsett, verður í komandi viku. (sí talvu omanfyri)

Næmingarnir nýta teldu til royndirnar.

Headset/smátalarar – Næmingarnir verða bidnir at hava headset/smátalarar við til allar royndirnar

Hjálparmiðlar – Loyvt er at nýta allar hjálparmiðlar uttan lummaroknara, t.v.s. bøkur og annað, ið tey brúka í undirvísingini. Neyv kunning um landsroyndirnar er á: www.provstovan.fo/folkaskulin/landsroynd/

Møtitíðir:

5. flokkarnir møta í skúlahøllini stundisliga kl. 8.00 týsdagin og mikudagin. Tey hava vanliga undirvísing aftaná royndirnar.

7. flokkarnir møta í skúla kl. 8.00 mána-, týs- og mikudagin. Næmingarnir hava frí aftaná landroyndirnar. Legg til merkis at vanlig undirvísing er áðrenn royndirnar mánadagin og týsdagin.

Vinarliga

Eysturskúlin

Nýggj floksumboð

16.09.2020: Nú hava næmingarnir í 5.B valt nýggj floksumboð. Úrslitið var, at Sunniva fekk flest atkvøður. Signa og Fía fingu báðar næstflest atkvøður, og tí mátti lutakast til, sum Fía vann. Sostatt er Sunniva floksumboð, og Fía er varaumboð hjá 5.B í næmingaráðnum í miðdeildini.

BROYTING! Felags foreldrafundur mánakvøldið 14. september kl. 18-19

03.09.2020: Mánakvøldið 14. september verður felags foreldrafundur hjá 5.B. Fundurin verður í flokshølunum. Á skránni er ymisk kunning og val av foreldraumboðum. Ynskiligt er, at eitt umboð møtir fyri hvønn næming, soleiðis at vit ikki verða alt ov nógv fólk stúgvað saman.

Flokstoymið í 5.B: Lív, Hanna L, Carl Eli og Jana.

Vanlig tímatalva

23.08.2020: Hesa vikuna fara vit til vanligu tímatalvuna. Tímatalvan sæst eisini í høgra bredda. Tó verða flokkarnir hildnir hvør sær í eina tíð afturat. T.v.s. at 5. flokkarnir hava hvørki ítrótt ella handaverk og list saman - enn.

Skúlabyrjan 2020

18.08.2020: Góðu næmingar og foreldur í 5.B!

Hjartaliga væl afturkomin í skúla! Vónandi hava tit havt eitt gott summar! Nú ganga tit í 5.B, og vit hava eitt spennandi ár fyri framman. Tit fáa onkran nýggjan lærara, og eisini onkra nýggja lærugrein. Og hvør veit? Kanska fáa tit eisini nýggjar vinir í ár? –Tað vóni eg!

Sum tit vita, hevur koronufarsóttin ikki slept takinum á samfelagnum, og eins og áðrenn summarferiuna, ávirkar hetta skúlagongdina hjá okkum. Vit fylgja somu mannagongdum, sum vit hava gjørt; vaska og spritta hendur, ganga beinleiðis inn gjøgnum brandhurðina í floksstovuna, og um vit hava sjúkueyðkenni, koma vit ikki í skúla, men boða flokslæraranum frá. Myndugleikarnir mæla til “flokseinsemi”; tað er, at vit bara eru saman við floksfeløgum í skúlatíð - og helst eisini í frítíðini.

Eins og undanfarin ár, brúka vit vikuætlanina á heimasíðuni www.eysturskulin.fo, og har verða skúlating, kunning, myndir o.a. viðkomandi tilfar lagt út. Vit vænta, at tit fylgja væl við í vikuætlanini. Tað er sera umráðandi, at tit hvønn dag hava øll neyðug amboð og bøkur við í skúla. Í pennahúsanum eiga altíð at vera: blýantar, spískari, viskileður, linjuál, saksur og litblýantar. Allar skúlabøkur skulu bindast inn. Tímatalvan niðanfyri er galdandi hesa vikuna; væntandi verður farið til vanligu tímatalvuna í komandi viku.

Vónandi fáa vit øll eitt gott og læruríkt skúlaár í 5.B!

Blíðar heilsur

Vegna flokstoymið

Lív Reinert Nielsen, flokslærari, tel. 504045 liv.reinert.nielsen@skulin.fo

 

P.S. Felags foreldrafundur verður væntandi skjótt, eins og vit hava foreldraviðtalur tvær ferðir árliga. Men sumt kann ikki bíða; so um tit vilja hava fatur á mær, kunnu tit altíð senda mær ein teldupost ella eitt sms, og so ringi eg til tykkara skjótast gjørligt.

4. flokkarnir til skúlafótbóltskapping

Mikudagin 10. juni fóru báðir 4. flokkarnir suður til Vágs at sparka fótbólt. Gentuliðið hjá okkum vann silvur! Veðrið var gott, og bæði børn og vaksin høvdu ein frálíkan dag.

Kunning um túrin til Vágs

09.06.2020: Góðu foreldur og børn í 4. flokki!

So gongur leiðin aftur til fótbóltskapping í Vági. Vit møta á farstøðini mikumorgunin 10. juni kl. 08:15. Smyril siglir 08:45! Vit verða koyrd aftur og fram til Marghøllina við bussum. Eysturskúlin rindar ferðakostnaðin.

Smyril siglir heim kl. 18:45, og vit eru tí í Havn aftur uml. kl. 20:45.

Verið í ítróttarklæðum og grønu “betri”-blusuni, sum tit fingu seinast.

At hava við:

  • Stóran og góðan matpakka. Vit fáa ikki heitan mat í Vági, men vit kunnu keypa okkum eina heita máltíð umborð á Smyrli á veg norð aftur.
  • Lummapengar - Vit hugsa, at 150,- er hóskandi, um børnini skulu keypa sær okkurt gott antin í Vági ella máltíð umborð á Smyrli, og rinda 20,- fyri at svimja
  • Gaggur ella vanligar skógvar at sparka í.
  • Skinnarar, um tit eiga slíkar.
  • Svimjiklæði og handklæði (tey, sum ætla at svimja)
  • Heit klæði! Vit verða møguliga úti, og Marghøllin er køld, hóast tað er innandura.

Sum er, hava eini átta foreldur boðað frá, at tey koma við okkum suður, so aftur hesaferð eru vit væl mannað.

Vit gleða okkum!

Blíðar heilsur

Carl Eli (tlf.: 507333) & Lív (tlf.: 504045)

Til Suðuroyar mikudagin 10. juni

06.06.2020: Góðu foreldur!

Vit hava júst fingið innbjóðingina at verða við í fótbóltsfinalukappingini í Vági, sum verður nú mikudagin 10. juni! Dreingirnir og eitt gentulið megnaðu at spæla seg í finaluna. Upprunaliga ætlaðu vit at samanknýta hesa finalukapping við at gista í Vági eina nátt, men tað varð so av ongum. Men hinvegin ætla vit at gera hetta til eina stuttliga dagsútferð, har vit m.a. eisini sleppa at svimja og royna nýggju rutsjubreytina í Pálshøll.

Tit foreldur eru hjartaliga vælkomin við - jú fleiri, jú betri!

Sigið okkum frá við telduposti ella sms í seinasta lagi mánadagin kl. 14:00, um tit koma við (og um tit hava bil við). Upplýsingar um tíðspunkt, mat, pengar, klæðir o.s.fr. kemur mánadagin.

Vit møta á farstøðini mikumorgunin 10. juni kl. 08:15. Smyril siglir 08:45! Vit verða koyrd aftur og fram til Marghøllina við bussum. Eysturskúlin rindar ferðakostnaðin. Smyril siglir heim kl. 18:45, og vit eru tí í Havn aftur uml. kl. 20:45.

Vh Lív & Carl Eli.

Aftur til vanliga tímatalvu

29.05.2020: Frá og við týsdegnum 2. juni 2020 verða vanligu tímatalvurnar aftur galdandi. Hetta merkir, at vit aftur møta kl. 8.00. Tó er ongin felags morgunsangur í skúlahøllini, og vit skulu framvegis brúka brandhurðina sum inngongd í flokkin.

Tað er eisini framvegis galdandi, at øll skulu út í fríkorterunum, so tað er sera umráðandi, at øll altíð eru ílatin eftur veðrinum.

4.B forritar við Micro:bit

26.05.2020: Í dag sluppu næmingarnir í 4.B endiliga at forrita og spæla við micro:bit. Tey hava glett seg síðan á heysti í fjør.

Vit eru við hesum við í einari verkætlan, sum BBC byrjaði í Englandi, og sum Danmarks Radio, í samstarvi við Center for Undervisningsmidler og við stuðli frá danska Industriens Fond, stendur fyri.

Micro:bit er ein smátelda, sum børnini læra at forrita. Á heimasíðuni www.makecode.microbit.org eru vegleiðingar til, hvussu til ber at forrita og fáa sín micro:bit at gera alt møguligt spennandi.

Børn eru stórbrúkarar av tøkni, og endamálið við verkætlanini við micro:bit er at geva íblástur til ein heilan árgang, so tey gerast skaparar við tøknini við teirra egnu smáteldum, ið kunnu forrita nógvar ymiskar funkur og virksemi.

Í Føroyum er tað Nám, ið stendur fyri at luta út smáteldurnar. Gundur Mortensen, KT-leiðari á Námi, sigur: “Tað, at vit kunnu vera við í hesi verkætlanini, gevur okkum ein sera stóran møguleika at geva lærarum og næmingum íblástur til at arbeiða meira við forritan í skúlanum. Og tað gevur teimum ein góðan møguleika at vera skapandi og roynandi við tøknini og ikki bert vera brúkarar av henni”.

Allir næmingarnir í 4.B hava fingið ein micro:bit í part, sum tey sleppa at eiga og forrita júst, sum tey hava hug til. Hvør veit? Kanska er onkur framtíðar KT-mennari í flokkinum?

4.B heintað og málað steinar

20.05.2020: Hugnaligt við litaðum steinum, so 4.b hevur heintað, málað og lagt í bedið.

Ruddingardagur

15.05.2020: Næmingarnir í 4.B hava ruddað í dag. Tey vóru sera røsk og funnu rættiliga nógv burturkast kring skúlan.

4. flokkarnir aftur í skúla mánadagin 4. mai 2020

03.05.2020: Nú er klárt hjá 4.B at koma aftur í skúla!

Í dag hava Hanna og Lív verið í skúlanum og gjørt floksstovuna klára. Næmingarnir eru býttir í tveir bólkar, sí myndina niðanfyri.

Minnist til at hava allar skúlabøkur, pennahúsa og møguliga skúlateldu við í skúla.

Vit møta kl. 08.30, og umráðandi er at koma inn gjøgnum brandhurðarnar, sum víst á myndini. í vindeygunum hanga eisini skelti, har nøvnini standa á, um onkur skuldi ivast.

Tit síggja nýggju korona-tímatalvuna við at trýsta á "tímatalva" í vinstra bredda.

Kunning frá skúlastjóranum

01.05.2020: 

Góðu næmingar og foreldur í 4. flokki

Nú sleppur 4. flokkur aftur í skúla. Hetta verður longu mánadagin 4. mai. Vit gleða okkum at síggja næmingar aftur í skúlanum, hóast gerandisdagurin ikki verður heilt tann sami, sum hann var áðrenn 12. mars.

Meginreglan frá myndugleikunum er, at næmingarnir í 4. flokki helst skulu møta í skúla. Í teimum førum, har serligar umstøður gera seg galdandi hjá næmingum ella avvarðandi, skulu foreldur boða flokslæraranum frá.

Gerandisdagurin verður eitt sindur broyttur, nú næmingarnir koma aftur í skúla. Støðan í Føroyum viðvíkjandi Korona sær beint nú út til at vera góð, men enn eiga og skulu vit gera alt, vit kunnu, og sum okkum er tilmælt, í samband við at fylgja teimum tilmælum og leiðreglum, ið Koronaráðgevingin leypandi kemur við.

Vit í skúlanum hava eisini roynt at gera alt, sum vit kunnu, og sum fyriskrivað er, so tá ið næmingarnir í 4.flokki koma í skúla mánadagin, fara vit øll at royna at verja hvør annan og okkum sjálv við at royna at halda tilmæltu frástøðuna. Tað merkir, at flokkarnir fara at vera í fýra flokshølum; t.v.s., at 4.a verður deildur í tvey, og 4.b verður deildur í tvey. Tey fara at húsast í samanhangandi flokshølum – 8/9 í hvørjum høli. Borðini standa í tilmæltu frástøðuni, og bara ein næmingur við hvørt borðið. Inni í hesum bólkunum, verða næmingarnir aftur bólkaðir; hetta fyri at tey ikki øll spæla saman í einum trunka.

Tveir lærarar verða knýttir at hvørjum flokki; flokslærarin og ein lærari, sum vanliga er í flokkinum, afturat. Hesi starvsfólkini eru allatíðina saman við somu næmingunum. T.v.s., at lærararnir ganga ikki ímillum flokkarnar. Harafturat verður tvær garðvaktir knýttar afturat 4.flokki.

Um veðrið er við okkum, sum tað vónandi verður, so fara næmingarnir óivað at fáa undirvísing bæði inni og úti. Eru næmingarnir inni, so hava bólkarnir hvør sítt stórt flokshøli at vera í.

Vit royna, sum sagt, at halda tilmæltu frástøðuna; vit vaska og spritta hendurnar eftir føstum mannagongdum; tá ið vit koma í skúla, tá ið vit hava verið á WC, áðrenn vit fara í fríkorter, tá ið vit koma innaftur, áðrenn vit eta matpakka, tá ið vit eru liðug at eta, og tá ið vit fara heim. Eisini eru reingerðarfólkini hjá skúlanum til arbeiðis, meðan næmingarnir eru í skúla, og tey hava sínar reinhaldsmannagongdir.

Av tí at næmingarnir verða skipaðir í fýra bólkar, so hava vit tørv á fleiri skúlastovum enn vanligt, tískil umskipa vit flokshølini eitt sindur

Tí er tað so heppið, at vit hava ein stóran og rúmligan bygning, og kunnu tískil húsast í góðari frástøðu.

Hvar fara næmingarnir at húsast?

4.a (1) fer at halda til í tveimum stovum í A-lon syðru, har 5.flokkarnir vanliga plaga at vera. Har eru tvær skúlastovur, og har vera tveir bólkar, 4.a1 og 4.a2. 4.a1 hevur inngongd gjøgnum høvuðsdyrnar í A-lon syðru (móti Eysturvølli). 4.a2 hava inngongd gjøgnum brandddyrnar niðan ímóti grøna økinum beinleiðis inn í stovuna.

Vit heingja skelti á báðar inngongdirnar, so næmingarnir síggja, hvar tey skulu.

4.b1 fer eisini halda til í tveimum stovum í A-lon, syðru. Tað verður har, sum 4.flokkarnir vanliga halda til. Tey brúka báðar stovurnar, og flokkurin verður býttur sundur í tvey. Inngondin hjá 4.b1 og 4.b2 verða úr skúlagarðinum og inn gjøgnum branddyrnar inn í skúlastovurnar. Vit skelta eisini hurðarnar her, so børnini síggja tey úr skúlagarðinum.

Vanliga dámar okkum so væl, at vera blíð og møta foreldrum og fáa eitt gott prát, men tað er ikki skynsamt og skilagott at gera beint nú. Vit ynskja tí ikki, at foreldrini koma við børnunum inn í skúlagarðin. Børnini verða sett av ella fylgd til portrið inn í skúlagarðin, og so finna tey sjálv gjøgnum skúlagarðin og til inngongdina, tey skulu brúka.

4.flokkarnir skulu møta í skúla kl. 8.30. Tey fara at hava fimm klokkutímar um dagin og 4 tímar fríggjadag. (8.30-13.30)(8.30-12.30)

Carl Eli og Anna verða knýtt at 4.a, og Lív og Hanna L verða knýttar at 4.b

Nærri kunning um tímatalvu og onnur praktiskt viðurskifti kemur frá flokslæraranum.

Við ynskjum um, at vit hugsa um hvør annan og hjálpa hvør øðrum at minnast til, at vit eru saman í fjarstøðu.

Bestu heilsanir

Eyðna Magnussen, skúlastjóri.

 

GG! Vísa børnini minstu sjúkutekin, so skulu tit hava børnini heima við hús.

Barnaútvarpið

28.04.2020: Hoyrdu tit barnaútvarpið í morgun? Um ikki, so burdu tit farið at lurtað. Trýstið á slóðina niðanfyri:

https://kvf.fo/vit/utvarp/2020/04/25/barnatvarpi-20-partur

Spurnarkanning

26.04.2020: Halló:

Knappliga blivu øll í skúlanum og aðrastaðni send heim fyri fimm vikum síðani orsakað av Koronavirus og síðan hevur undirvísing bara verið á netinum. Hvussu heldur tú sum næmingur, at hetta hevur gingist, og er munur á "vanliga skúlanum" og "Koronaskúlanum", bæði í mun til trivnað, læring, og hvørjir fyrimunir og hvørjir vansar eru við hvørjum slagi av skúla? Hetta hava granskarar á Fróðskaparsetrinum sett sær fyri at kanna og vit heita tí á teg og aðrar næmingar í skúlanum um at svara hesum stutta spurnablaði. Tað tekur umleið 10 minuttir at svara spurningunum.

Tað er einki krav at svara spurnablaðnum og um tú skiftir meining, meðan tú ert í holt við at svara, so verða ongar dátur goymdar. Tað hevur stóran týdning fyri okkum at fáa tíni sjónarmið, tí út frá teimum kunnu vit gera uppskot til hvussu framtíðarskúlin kann vera.

Tú ert navnleys/ur (anonym/ur) í hesari kanningini. T.v.s. at tú skalt ikki skriva, hvussu tú eitur og skalt heldur ikki skriva, hvørjum skúla tú gongur í ella hvar tú býrt. Tað einasta eitt sindur persónliga vit spyrja um, er hvønn aldursbólk tú hoyrir til og hvat kyn tú ert.

Tað hevði glett okkum, um tú hevði viljað svarað spurnablaðnum og vit takka fyri, um tú sendir tað víðari til vinir og onnur, so vit fáa so nógv svar sum gjørligt.

Tey, sum standa fyri hesi kanningini starvast á Námsvísindadeildini, tað er har lærarar og námsfrøðingar fáa sína útbúgving. Um tú hevur nøkur ivamál um okkurt viðvíkjandi hesi kanning, ert tú vælkomin at venda tær til verkætlanarleiðaran: Katrin av Kák, katrink@setur.fo, tlf. 299435.

Tú byrjar kanningina við at trýsta á tekstin niðanfyri:

koronaskulin

Heilsan til allar næmingar frá SSP

26.04.2020: Mynd krevur samtykki!

Góðu næmingar

Í hesum korona tíðum sita tit øll heima við hús og móttaka talgilda frálæru til dømis umvegis “Teams” e.l. Hetta er ein nýggj frálærastøða, sum krevur tíð at venja seg við. Nógv halda, at tað er “fínasta slag” ímeðan onnur eru meira ótrygg.

Fyri at øll kunnu kenna seg trygg við talgildu frálærustøðuna, vilja vit minna tykkum á týdningin av virðiligari og siðiligari framferð, so sum til dømis ikki at taka myndir ella film uttan samtykki.

Tit mugu minnast til, at “mynd krevur samtykki” og at tað er lógarbrot at deila myndir á netinum uttan samtykki.

SAMTYKKI skal gevast tvær ferðir og tað merkir, at tú bæði skalt hava SAMTYKKI fyri at taka myndina og SAMTYKKI fyri at deila myndina.

 

Vinaliga

SSP- samstarvið í Tórshavnar kommunu.

Eftirmeting av heimaskúlavikuni

23.04.2020: Góðu tit! Nú er fyrsta heimaskúlavikan á Teams skjótt liðug, og eg vil fegin hoyra, hvussu tað hevur gingist hjá tykkum.

Trýstið á leinkið niðanfyri og svarið spurningunum.

Eftirmeting #3

Gott vikuskiftið!

Blíðar heilsur

Lív.

So vóru vit á Teams!

20.04.2020: Í morgun eydnaðist at fáa øll 16 inn á Teams at práta. Tit eru virkuliga ófør!

Tað var ordiliga stuttligt at síggja tykkum! Í morgun var ikki nógv skúlaprát á skránni, men í morgin kl. 10 er ætlanin at hava nakað av undirvísing á Teams eisini.

Eg vil fegin hava, at tit koma í skúlan seinnapartin í dag at heinta tilfar og lata bókasavnsbøkur inn.

Tit skulu ikki koma inn í skúlan, men møta í garðinum uttan fyri floksstovuna. Har fáa tit alt, sum børnini hava havt liggjandi í skuffunum, umframt okkurt annað tilfar. Minnist tí til at hava posa/tasku við.

Havi gjørt eina tíðarætlan, so at øll ikki koma í senn. Býtið um innanhýsis, um tað ikki liggur fyri. Um tað als ikki liggur fyri hjá tykkum at koma í dag, mugu tit siga mær frá. Vit síggjast seinni!

Í skúlan kl. 16:30 Í skúlan kl. 17:00 Í skúlan kl. 17:30
Signa
Sunniva
Tanja
Vár H
Vár P
Miriam
Anna
Anna Helena
Fía
Gunnvá
Noomi
Ragnhild
Byrgi
Julian
Paul
Valdemar

❗️ Minnist til almennu tilmælini um frástøðu.

Blíðar heilsur

Lív.

Vit byrja aftur við heimaskúla

17.04.2020: Góðu foreldur og børn í 4.B!

Mánadagin byrjar ein nýggj og øðrvísi skúlavika. Vit fara at halda fram upp á sama máta sum áðrenn páskafrítíðina, men vit fara eisini at læra okkum nakað nýtt: Teams.

Fleiri tykkara hava óivað hoyrt um "Teams", og nú fara vit í 4.b eisini at læra okkum at brúka tað. Teams er eitt forrit, sum vit øll hava atgongd til gjøgnum Office365 pakkan frá skúlanum. Har ber til at hava "video"-fundir, har vit kunnu síggja og hoyra hvønn annan.

Hesa fyrstu vikuna fara vit spakuliga í gongd við at brúka forritið. Ætlanin er, at vit byrja hvønn morgun kl. 10 við at rita inn og práta saman eina løtu. Eg vænti og vóni, at summi tykkara kanska klára at finna vegin inn á teams sjálv, og um tit ivast, so mugu tit endiliga siga mær frá.

Tað fyrsta, tit mugu hava (umframt eina teldu við hátalara+mikrofon), er brúkaranavnið og loyniorðið til tykkara Office brúkara. Um tit ikki minnast brúkaranavn/loyniorð, kunnu tit ringja til mín, so finna vit út av tí.

Eg leggi eitt leinki her, sum vísir, hvussu tit skulu gera: https://www.youtube.com/watch?time_continue=87&v=O-cNhhgMNzA&feature=emb_logo

Eg gleði meg at síggja tykkum mánamorgunin kl. 10!

Blíðar heilsur

Lív.

P.S. Mánadagin ætli eg at fáa tykkum í skúlan at heinta tilfar og læna nýggjar bøkur á bókasavninum. Hetta verður seint seinnapartin, um fimm-seks tíðina. Tit frætta aftur frá mær, nær hvør skal koma, og hvussu vit gera. Um onkur manglar teldu, ber til at læna skúlatelduna við heim. Havið tó í huga, at skúlateldan ikki er tryggjað uttanfyri skúlans øki, so tit mugu ansa sera væl eftir henni. 

Kunning frá leiðsluni

10.04.2020: Góðu næmingar og foreldur í miðdeild

Skúlin letur upp aftur 20. apríl, soleiðis sum landstýrið hevur boðað frá. Men henda upplating er einans galdandi fyri næmingar í 1-3. flokki.

Tí heldur fjarundirvísingin fram og verður lutvíst umskipað, so vit halda okkum til ávís tíðspunkt, nær skúladagurin byrjar, og nær hann endar.

Tímatalvan, soleiðis, sum vit kenna hana, verður niðurløgd. Framhaldandi skúlagongd verður skipað í eini vikuætlan, ið verður løgd á flokssíðurnar, sum liggja á heimasíðuni.

Á vikuætlanini eru blokkar við fjarundirvísing. Tað er luttøkuskylda, galdandi fyri hesar blokkarnar. Tí mugu øll verða ritað inn á Teams ella aðrar talgildar vegir, sum lærarar skipa, avtalaðu tíðir. Hetta fáa tit boð um frá flokslærara.

Vikan byrjar og endar við einum netfundi við flokslæraran. Á mánadagsfundinum verður øll vikan framløgd og tá er møguleiki hjá næmingunum at seta spurningar til ymiskt, at samskipa bólkar og innlatingar v.m. Hinir blokkarnir í vikuni eru eisini ætlaðir til aðrar lærugreinar og uppgávur annars.

Eitt til tvey upplegg eru um dagin í flokkunum/lærugreinunum. Hesi eru í høvuðsheitum 8:00-9:30 og 10:00-11:30.

Í tann mun tað letur seg gera eru bæði bólkaarbeiði og einstaklingauppgávur hvønn dag.

Vit fara at leggja dent á eina javnvág millum venjingaruppgávur og at læra okkurt nýtt. Øll avrik, ið skulu latast inn ella leggjast fram fáa afturboðan frá læraranum, í tann mun, tað letur seg gera, og har hetta gagnar fakligu menningina.

Í eini skiftandi skipan á 2 vikur skulu allar bókligar lærugreinar vera umboðarar. Skapandi lærugreinarnar og rørsla vera í avmarkaðan mun flættaðar inn í vikuætlanina eftir tørvi og har hetta passar inn.

Nærri og ítøkiligari kunning frá flokslæraranum og flokstoyminum er á flokssíðuni.

Bestu heilsanir

Eyðna Magnussen, skúlastjóri.

Páskafrítíðin longd

09.04.2020: Góðu næmingar, foreldur og onnur áhugað

MMR boðar í skrivi frá, at páskafrítíðin er longd til 20.apríl. Tó er serliga neyðskúlatilboðið fyri 1. - 3. flokk opið fyri tey, ið hava tørv á tí í vikuni eftir páskir, 14.-17.apríl. Hevur onkur tørv á hesum tilboði, kunnu tit skriva til eydna.magnussen@skulin.fo ella ringja tlf. 214755.

20.apríl verður skúlagondin varliga tikin upp aftur. 

4.-9.flokk og Nám X fara at hava netundirvísing. Luttøkuskylda er galdandi fyri alla netundirvísingina.

1.-3.flokkur kunnu møta í skúla frá 8.00-12.00 hvønn dag. Frítíðarskúlin letur upp kl. 12.00 hesar dagarnar.

Tað er tó ikki eitt krav, at næmingarnir í grunddeildini møta í skúla. Foreldrini taka avgerð um hetta. At møta í skúla er tískil eitt val, og tey, ið ikki ynskja at senda børnini í skúla, kunnu boða flokslæraranum frá. Hesir næmingarnir fáa so ein heimasetning frá skúlanum at gera hvønn dag, so leingi, sum skúlin verður skipaður á henda hátt.

Eisini skulu vit boða frá, at allar próvtøkur eru avlýstar í ár, og landsroyndin er flutt til í september; landsroyndin verður fyri somu næmingum, sum áttu at farið til landsroynd í apríl í ár.  

Blíðar heilsanir

Eyðna Magnussen, skúlastjóri

Góðu tit í 4.flokki

Nú fara vit í páskaferiu; njótið hana saman við húskinum. Eg má siga, at eg eigi ikki orð fyri, hvussu røsk tit hava verið, nú tit hava verið heima í skúla.

Hvussu tað verður aftaná páskir, veit eg ikki enn, men so skjótt eg veit okkurt, leggi eg tað á heimasíðuna hjá skúlanum. www.eysturskulin.fo

Gleðiligar páskir ynski eg tykkum.


Eyðna Magnussen, skúlastjóri

Páskaheilsan

03.04.2020: Góðu foreldur og børn í 4.B!

Nú kom páskaferian. Løgið at fáa páskaferiu, tá vit longu hava verið heima í góðar tríggjar vikur, men nú fáa vit so øll ordiliga frí, og sleppa undan at hugsa um heimaskúla í nógvar dagar, og tað er nú slett ikki so galið.

Vil við hesi heilsan takka tykkum fyri, at tit hava verið so arbeiðsom og løtt at samskifta við. Eftir svarunum á spurnarkanningunum at døma, hevur gingið stak væl við heimaskúlanum. Onkur heldur, at tað hevur verið nakað nógv á skránni, onkur annar at tað hevur verið heldur lítið, men tey flestu siga tað vera passaligt, so eg haldi, at tað er, sum tað skal vera.

Tað var annars sera stuttligt at síggja snýðini í fleiri av tykkum seinasta sunnukvøld, tá eg koyrdi biltúr runt til tykkara. -Men eg gleði meg, til vit endiliga sleppa í skúla aftur og kunnu síggjast ordiligt og arbeiða, læra, spæla og hugna okkum saman. Vónandi verður tað ikki alt ov leingi.

Gleðiligar páskir!

Blíðar heilsur

Lív.

Koronavika #2

26.03.2020: Góðu tit øll!

Vónandi hava tit tað gott. Nú eru longu tvær heilar vikur gingnar, síðani vit vóru í skúla! 

Vónandi gera tit skúlating hvønn dag, og minnast eisini til at spæla, hugna tykkum og fáa fríska luft hvønn dag.

Eg havi aftur gjørt eina pinkalítla spurnarkanning, sum eg fegin vil hava tykkum at svara - saman við foreldrunum. Trýstið á grønu bókstavirnar niðanfyri, so koma tit til spurningarnar.

Eftirmeting - Koronavika #02 G.G.! Minnist til at trýsta á "send" niðast á síðuni, tá tit eru liðug at svara.

Blíðar heilsur

Lív.

P.S. 02.04.2020: Leinkið er tikið burtur; takk fyri tit, sum svaraðu!

KORONA - Góð ráð til barnafamiljur

27.03.2020: Tað kann vera ein avbjóðing at fáa gerandisdagin at hanga saman hesar dagarnar. Serliga fyri barnafamiljur. Tí hava vit savnað saman nakrar ofta settar spurningar og svar, ið vónandi kunnu vera til hjálpar.

Samvera

Kunnu børnini spæla við onnur?
Ja. Frísk børn kunnu gott spæla við onnur frísk børn. Vit mæla tó til, at í mesta lagi 2-3 børn spæla saman í senn, og at tey somu børnini spæla saman frá ferð til ferð – og børnini skulu helst spæla uttandura.

Kunnu børnini fara á spæliplássið?
Tað kunnu tey, men fylg ráðunum omanfyri. Og ver serliga ansin við at børnini vaska sær um hendurnar, tá tey koma heim, og at tey ikki deilast um leikur.

Barnið hevur føðingardag – kunnu vit halda eina lítla veitslu?
Nei, vit mæla til, at allar familjuveitslur o.a. verða útsettar.

Vit hava heimaundirvísing við børnunum – er nakar vandi í tí?
Somu tilráðingar eru galdandi fyri heimaundirvísing sum fyri at spæla saman – í mesta lagi 1-2 børn á vitjan í senn og helst tey somu børnini frá ferð til ferð. Og minst til, at børnini ikki skulu vera saman við øðrum, um tey hava sjúkueyðkenni. Tá skulu tey vera við hús.

Er tað í lagi, at børnini sova saman við sínum vinum, um bæði eru frísk?
Nei, vit mæla frá, at børnini sova saman. Tá tey sova saman, eru tey tætt at hvørjum øðrum innandura og yvir nógvar tímar. Lova børnunum heldur at ringja til hvørt annað fyri at siga góðanátt.

Dóttir mín er tannáringur og arbeiðir í matvøruhandli. Skal eg nokta henni tað?
Nei, men eggja henni til møguliga at tosa við handilsleiðaran um leiðreglurnar fyri smittuverju.

Kann eg hava børnini við til handils?
Vit mæla til, at bara ein í familjuni keypir inn. Lat børnini vera heima um til ber.

Børn og angist

Hvat skal eg siga við børnini?
Tosa við tey í barnahædd um teirra stúranir og greið teimum frá, hví vit noyðast at ansa betur eftir enn vant. Tey allarflestu, ið fáa koronasmittuna, fáa mild sjúkueyðkenni. Hjá einum, sum frammanundan er eldri ella álvarsliga sjúkur, kann sjúkan gerast álvarslig. Men greið teimum eisini frá, at vit hava eitt frálíkt sjúkrahúsverk og dugnaligar læknar til at hjálpa fólki við at gerast frísk aftur. Er talan um størri børn, kunnu tit hyggja at tíðindasendingum fyri børn saman.

Hvat skal eg siga fer at henda, um børnini ikki halda seg til reglarnar?
Tosa við tey um hví og hvussu ein skal verja seg.

Hvat kann eg gera, tá barnið saknar ommu og abba og sínar vinir?
Ring oftari enn tit plaga og nýt møguleikar við videosamrøðum. Til ber eisini at senda brøv til hvønn annan.

Reinføri

Nær og hvussu ofta skulu børnini vaska sær um hendurnar?
Ofta – ein góð regla at hava, er hvørja ferð ein kemur inn ella fer út, og áðrenn hvørja máltíð.

Hvussu nógv skal eg hava at børnunum (til dømis við at pilka nøs, fara í bað og at nerta við hvønn annan)?
Halt teg til tey yvirskipaðu ráðini um handreinføri og at njósa og hosta í ermuna.

Hvussu ofta skal eg gera reint í barnakamarinum – og í húsunum sum heild?
Oftari enn vant, serliga nú tit eru so nógv heima og eru tættari saman.

Ommur og abbar

Hvar gongur markið fyri, nær børnini skulu gevast við at vitja ommu og abba?
Eru ommur og abbar álvarsliga sjúk ella hava tey varandi sjúku, skulu tey hvørki koma á vitjan ella hava vitjan. Jú eldri ommurnar og abbarnir eru, jú størri er kjansurin fyri, at tey hava álvarsliga sjúku. Hóast tey kunnu kenna seg frísk, er teirra mótstøðuføri verri, enn tá tey vóru ung.

Tá foreldur ella børn eru sjúk

Barnið hevur korona eyðkenni – hvussu tosa vit um tað?
Tað er umráðandi at tosa um tær stúranir, sum sjúkan kann hava við sær. Tey flestu, ið verða smittað, hava mild sjúkueyðkenni. Men eldri fólk og fólk við varandi sjúkum kunnu fáa álvarsligari sjúkueyðkenni.

Dóttir mín hevur astma – er hon í vandabólki?
Ja, um hon er ring av astmu. Fólk við astmu, ið er væl viðgjørd, er ikki í vandabólki.

Kunnu børn smitta, hóast tey ikki tykjast sjúk?
Jú fleiri sjúkueyðkenni ein hevur, jú meira smittar ein. Um børnini ikki hava sjúkueyðkenni, skal nógv til, áðrenn tey smitta.

Børn í samanfluttum familjum

Hvørjar leiðreglur eru galdandi fyri foreldur við samanfluttum børnum?
Tað er í lagi, at børnini hava vanliga samveru sínamillum. Men um børnini fáa sjúkueyðkenni, skulu tey vera verandi hjá tí eina av foreldrunum.

Mín fyrrverandi maki er júst afturkomin frá feriu uttanlands. Skal hann lata seg kanna, áðrenn hann hevur samveru við børnini?
Hann skal halda seg heima í 14 dagar eftir heimkomu, og vit mæla til, at tit útseta samveruna hesar 14 dagarnar.

corona.fo

Sjúkrahúsverk Føroya

Heilsumálaráðið

Landslæknin

Heilsutrygd

Tíðarskeiðið longt - heimaskúli heilt til páskir

20.03.2020: Fleiri tykkara fylgja óivað við tíðindunum. Í dag kom almenn fráboðan frá Jenisi av Rana um, at skúlarnir ikki lata upp aftur áðrenn páskir. Sostatt heldur heimaskúlin fram fyribils í tvær vikur afturat. Vónandi sleppa vit øll aftur í skúla týsdagin 14. apríl. -Livst, so spyrst.

 

Meðan skúlin er stongdur

19.03.2020: Góðu foreldur, starvsfólk og onnur

Meðan Eysturskúlin er stongdur, er skrivstovan eisini latin aftur. Tit kunnu kortini fáa fatur á okkum. Tí er telefontíðin víðkað til at fevna um gerandisdagar frá 8:00-21:00.

Skrivstovuna tlf 214804

Tit kunnu eisini ringja til skúlastjóran tlf 214755,.

Foreldur, ið hava ørindi av praktiskum slag, t.d. at heinta bøkur, teldur o.a kunnu ringja til varaskúlastjóran tlf. 213699

Um viðurskifti eru í smb. við Nám X, so ringja tit 214754

Foreldur, ið hava spurningar av heilsuligum slag, kunnu ringja til heilsufrøðingin tlf 562358


Vit taka móti boðum og svara fyrispurningum og kunnu eisini hjálpa í sambandi við avmarkaðu skúlagongdina.

Eyðna Magnussen, skúlastjóri

Koronavika #1

19.03.2020: Góðu tit øll!
Vónandi hava tit tað gott. Nú er longu ein heil vika farin, síðani vit vóru í skúla, og eg haldi, at hetta kennist sera, sera løgið.

Eg hopi, at tit gera skúlating hvønn dag, og at tit eisini minnast til at spæla, hugna tykkum og fáa fríska luft hvønn dag.

Vanliga, tá ið vit eru í skúla, so síggi eg, hvussu nógv tit lesa og skriva og rokna, og nú síggi eg knappliga slett einki, so eg havi onga hóming av, hvussu tað gongur hjá tykkum.

Sum tit vita, so eri eg nokk so forvitin, og tí havi eg gjørt eina pinkalítla spurnarkanning, sum eg fegin vil hava tykkum at svara - saman við foreldrunum. Trýstið á grønu bókstavirnar niðanfyri, so koma tit til spurningarnar.

Eftirmeting - Koronavika #01 G.G.! Minnist til at trýsta á "send" niðast á síðuni, tá tit eru liðug at svara.

Blíðar heilsur

Lív.

P.S. 22.03.2020: Leinkið er tikið burtur; takk fyri tit 12, sum svaraðu!

Skúlarnir steingja í tvær vikur frá mánadegnum 16. mars

12.03.2020: Góðu starvsfólk og foreldur

Í kunningarskrivi sent leiðsluni í skúlanum í dag, hósdag, kl. 15.00 stendur:

Boðað verður frá, at allir næmingar í fólkaskúlanum skulu vera heima við hús skjótast til ber og í seinasta lagi frá mánadegnum 16. mars 2020.

Undantiknir kunnu vera næmingar, hvørs foreldur eru partar av tilbúgvingini, og sum ikki hava aðrar møguleikar fyri ansing. Hesi skulu frá mánadegnum ringja til skúlastjóran tlf. 214755, sum samskipar tilboð og hartil starvsfólkatal.

Tvær telefonir eru opnar, um starvsfólk og foreldur hava tørv á at ringja til skúlan við spurningum um eitthvørt.

Heilsufrøðingur skúlans hevur tlf. 562358. 

Skúlastjórin hevur tlf. 214755.

- - -

Eg havi havt samband við foreldur hjá øllum næmingunum í 4.B og havi fingið staðfest, at eingin næmingur í flokkinum kemur í skúla í morgin, fríggjadagin.

Foreldraviðtalurnar, sum ætlandi skuldu vera í komandi viku, eru fyribils útsettar.

Allir næmingarnir hava fingið lesibøkur, skrivihefti og roknibøkur heim við, og skúlating verða løgd út her á vikuætlanina.

Vónandi verður ikki so leingi, áðrenn vit sleppa aftur í skúla. Inntil ta tíð, mugu vit øll fylgja almennu tilráðingunum, sum koma frá myndugleikunum, og so annars royna at fáa tað besta burtur úr støðuni. Havið tað gott og ansið væl eftir hvørjum øðrum!

Blíðar heilsur

Lív.

Foreldraviðtalur týsdagin 17. mars

11.03.2020: Góðu foreldur og næmingar í 4.B!

Seinnu viðtalurnar hetta skúlaárið verða týsdagin 17. mars. Í Eysturskúlanum er siðvenja, at næmingarnir eru við til viðtalurnar, og soleiðis verður eisini hesaferð. Teir lærarar, sum verða til viðtalurnar, eru:

Í stovu A4 (floksstovan hjá 4.B)

  • Lív, flokslærari, føroyskt, støddfrøði, kristni og ítrótt

Í stovu A3 (floksstovan hjá 4.A)

  • Carl Eli, enskt og søga
  • Hanna L., danskt og evning

Tit møta tvey samstundis og fara í hvør sína stovu. 15 minuttir eru settir av til hvønn í hvørjari stovu.

Liggur ikki fyri at koma ásettu tíðina, kunnu tit býta um innanhýsis. Sigið flokslæraranum frá, um tit býta um, ella um tað ikki liggur fyri at møta, í seinasta lagi mánadagin 16. mars.

Blíðar heilsur

vegna flokstoymið í 4. B

Lív

Teldupostur: liv.reinert.nielsen@skulin.fo 

Sms-boð til tel. 504045

14:00

Valdemar

Julian

14:30

Byrgi

Paul

15:00

Vár H.

Vár P.

15:30

Anna Helena

Anna

 Steðgur - - -
16:30

Signa

Miriam

17:00

Ragnhild

Noomi

17:30

Fía

Sunniva

18:00

Gunnvá

Tanja

 

Kunning til foreldur viðv. fyribyrging av coronasmittu

10.03.2020: Góðu foreldur

Landsstýrismaðurin í heilsumálum mælir til ítøkilig tiltøk, sum hava til endamál at fyribyrgja coronasmittu (sí www.hmr.fo) 

Í skúlanum fylgja vit tilmælunum, sum í fyrstu syftu snúgva seg um reinføri.

  • At vaska sær um hendurnar ofta og/ella brúka handspritt, um atgongd ikki er til vask.
  • At hosta og njósa í ermuna ella í eitt pappírslummaturriklæði

Hvat gera vit í skúlanum?

Skúlin hevur eyguni eftir at sápa, handspritt og pappírshandklæði altíð eru inni á næminga- og starvsfólkawc´num. Í flokshølunum og í øllum starvsfólkarúmum eru sápa og pappírshandklæði. Handspritt og veggjauppsløg, har mint verður á at spritta hendurnar, eru við allar høvuðsinngongdirnar í skúlan.

Vit í skúlanum minna eisini næmingarnar á at vaska sær um hendurnar, tá ið tey hava verið úti, og áðrenn tey fara at eta matpakka. Gott hevði verið, um tit foreldur eisini prátaðu við tey um hetta heima.

Seinasta tilmæli frá myndugleikunum er, at stórar fólkamongdir skulu ikki samlast. Tað er ikki beinleiðis nøkur tilráðing frá heilsumyndugleikunum um at taka stig til at avlýsa morgunsang, men um skúlin heldur vil hava samlingar í minni bólkum, er sjálvsagt einki í vegin fyri tí. Skúlar eru ymiskir á stødd, og vit hava gjørt av, at komandi 14 dagarnar savna vit næmingarnar í smærri bólkum hvønn morgun kl. 8.00. Morgunsangurin verður hildin antin í deildunum ella í flokshølunum hesa tíðina.

Um 14 dagar eftirmeta vit, um vit taka morgunsangin uppaftur, har vit øll eru saman.

Vit í skúlanum merkja, at summi børn eru ørkymlað um støðuna viðvíkjandi Covid19. Tað hevur tí stóran týdning, at vit vaksnu tosa soleiðis við børnini, at tey ikki gerast bangin.

Niðanfyri verður víst til heimasíðuna hjá Barnabata. Har eru góð ráð at heinta, um hvussu vit kunnu tosa við børnini og svara teirra spurningum, so tey ikki gerast stúrin.

https://www.barnabati.fo/hvussu-tu-kanst-tosa-vid-born-um-coronavirus/ 

Á heimasíðuni hjá skúlanum verður leypandi kunning, um tørvur er á nýggjari kunning.

www.eysturskulin.fo 

Læraralesandi undirvísa

03.03.2020: Frá mánadegnum 9. mars og tríggjar vikur fram, verða tríggjar læraralesandi í starvslæru í 4. B. Tær eita Sunnleyg, Randi og Guðrun, og tær fara at undirvísa í støddfrøði og føroyskum.

Í hesum sambandi eru nakrar smávegis broytingar gjørdar í tímatalvuni. Hesar broytingarnar eru at síggja í tímatalvuni í vinstra bredda, og verða fyribils bara galdandi omanfyrinevndu tríggjar vikurnar.

Seturskúli í Vági 5. - 6. mai 2020

02.03.2020: Um góðar tveir mánaðir fara báðir 4. flokkarnir á seturskúla í Vági. Farið verður suður týsdagin 5. mai, og ætlanin er at gista eina nátt. Seinna dagin, mikudagin 6. mai, verður finaludagur í Skúlafótbóltskappingini. Tit fáa meira kunning, tá ið tað fer at nærkast.

Eingin í 4. flokki kom víðari hesaferð

02.03.2020: Nú eru úrslitini frá fyrsta kappingarumfarinum í Pangea-støddfrøðikappingini komin. Tíverri kom eingin næmingur í 4. flokki víðari hesaferð, hóast fleiri vóru nær við. -Vit koma sterkt aftur næsta ár!

Føstulávint 2020

24.02.2020: Takk fyri ein góðan og øðrvísi skúladag! Tað var so stuttligt at síggja, hvussu nógvan ómak øll høvdu gjørt sær at finna stuttligar, óhugnaligar, kreativar, vakrar og festligar grýlubúnar.

Fleiri næmingar í 4.B fingu eisini heiðursbrøv fyri grýlubúnarnar. Sera flott!

Trivnaðarkanning

20.02.2020: Hesa vikuna hava vit gjørt eina trivnaðar-spurnarkanning í flokkinum. Í komandi viku fara vit at hyggja eftir svarunum og práta um, hvat vit skulu gera, fyri at bøta um tað, sum vit vilja betra.

Gott hevði verið, um tit settu tykkum við børnum tykkara og hugdu eftir og prátaðu um settu spurningarnar, so børnini eru klár til eitt gott prát í komandi viku.

Spurningarnir vóru tólv í tali, og næmingarnir skuldu velja antin "ja" ella "nei". Hetta var í fleiri førum sera trupult, tí fleiri høvdu hug at svara "næstan altíð" ella "viðhvørt" ella bæði "ja og nei" til fleiri spurningar:

1. Eg haldi, at øllum í flokkinum dámar meg

2. Eg kenni floksreglurnar og haldi tær vera góðar

3. Lærarin og næmingarnir lurta eftir mær

4. Eg havi vinir í flokkinum

5. Vit spæla í flokkinum uttan at snýta

6. Eingin kallar meg nakað ljótt

7. Eg kann biðja um hjálp og fáa hjálp

8. Vit hjálpa hvør øðrum

9. Tað er trygt og hugnaligt í flokkinum

10. Eg havi týdning í flokkinum

11. Vit ansa eftir hvør øðrum

12. Mær dámar væl at ganga í hesum flokkinum

Frí týsdagin 25. februar

18.02.2020: Dagin eftir føstulávintsmánadag, týsdagin 25. februar, hava næmingar og starvsfólk í Eysturskúlanum frí. Hetta skúlaárið hava allir skúlar fingið tveir frídagar at ráða yvir. Í Eysturskúlanum liggja hesir eyka frídagarnir týsdagin 25. februar og fríggjadagin 22. mai, sum er dagin eftir Kristi himmalsferðardag.

Skrubb í miðdeildini

13.02.2020: Góðu foreldur!

Eg skal hervið boða frá, at vit hava fingið fráboðan um skrubb í miðdeildini. Við loyvi frá mammuni leggi eg hesa myndina við.

Hon skrivar soleiðis:

"Eg eri rættiliga "yvirraskađ" yvir, at hatta er skrubb, tí myndirnar, sum eru á netinum eru rættiliga ógvusligar, og ongin vísir bert nakrar fáar prikkar á arminum.

So góđu foreldur, kunnu tit vinaliga kanna børnini gjølla, og um tit yvast, fari so til lækna, so vit kunnu basa hesum her og nú. Vit eru øll í húskinum farin í viđgerđ."

Sí eisini kunning og faldara um skrubb longur niðri her í boðklivanum.

Roknivika

07.02.2020: Í komandi viku verður roknivika í Miðdeildini. Allir næmingarnir í 4.-6. flokki fara at rokna í umleið ein hálvan tíma hvønn morgun.

Í 4.B fara næmingarnir eisini at rokna serliga nógv. Vit fara at brúka heimasíðuna emat.dk at venja ymsu roknihættirnar - og kappast eitt sindur við okkum sjálv.

Næmingarnir kunnu saktans rokna heima eisini, um hugur er til tess:  https://emat.dk/index.aspx

Næmingarnir frí 18. februar 2020

03.02.2020: Góðu foreldur

Týsdagin 18. og 19. februar 2020 skipar Mentamálaráðið, Undirvísingarstýrið og Nám fyri ráðstevnu í Norðurlandahúsinum fyri lærarum og námsfrøðingum í føroyska fólkaskúlanum

Starvsfólk Eysturskúlans luttaka 18. februar.

Evnið á ráðstevnuni er: Læring, og heitið er: Lærdómur er lættur at bera – læring í 21. Øld.

Næmingar í Eysturskúlanum hava tískil frí 18. februar.

Frítíðarskúlin er opin henda dagin frá kl. 8.00.

Fráboðan um skrubb

02.02.2020: Góðu foreldur!

Eg skal hervið boða frá, at vit hava fingið fráboðan um skrubb í 4. flokki.

Viðkomandi, sum hevur havt skrubb (og alt húskið) hava verið í viðgerð í vikuskiftinum. Viðkomandi smittar sostatt ikki longur.

Kunning um skrubb: 

Orsøkin til at børn, ung, ella vaksin fáa skrubb er, at ein hevur fingið eina skrubbmottu á húðina. Skrubb kemur ikki av vantandi reinføri - øll kunnu fáa skrubb. Skrubb kann fyribyrgjast og lættliga viðgerast.

Skrubb skriðar sera illa og serstakliga um náttina. Tað ganga 2-3 vikur frá tí at ein er smittaður, til skriðin byrjar. Ein kann smitta í hesum tíðarskeiði.

Tann, sum hevur skrubb, skal viðgerast skjótast tilber, og samstundis skulu øll í húsinum viðgerast. 

Meira kunning fæst við at lesa viðfesta faldaran frá Gigni, sí niðanfyri:

Pangea Støddfrøðikappingin

02.02.2020: Í døgunum 5.-7. februar verða undanumførini í Pangea Støddfrøðikappingini í skúlunum kring alt landið. Undanumførini verða roknað í skúlunum, og næmingarnir fáa 60 minuttir til at loysa uppgávurnar.

Tilsamans trý umfør eru í kappingini. Annað umfar verður helst her í Eysturskúlanum ein leygardag seinni í vár, og finalan verður helst í Norðurlandahúsinum.

Tit kunnu síggja meira á facebook síðuni "Pangea Føroyar - Støddfrøðikappingin" sí leinkið: https://www.facebook.com/PangeaFO/

Trygg á netinum

28.01.2020: Um eina góða viku, mikukvøldið 5. februar kl. 19, verður tiltakið fyri tykkum foreldur við heitinum "Trygg á netinum". Hetta er eitt spennandi tiltak, sum vanliga elvir til munagott orðaskifti.

Sigið flokslæraranum frá í seinasta lagi mánadagin 3. februar, um tit kunnu koma - og eisini, um tit ikki kunnu koma.

 

Skúlamyndirnar komnar

16.12.2019: Fríggjadagin fingu næmingarnir í 4.B endiliga skúlamyndirnar, sum tey hava bíðað eftir. Tað var ein øgilig stákan og prát, tá ið tey kliptu smáu myndirnar út og býttu um við floksfelagarnar.

Flokslærarin fekk eisini kraddað sær eina mynd frá hvørjum :-)

Skúlamyndirnar liggja í postmappuni.

Sunniva vann skrivikappingina

14.12.2019: Fríggjamorgunin aftaná morgunsangin avdúkaði Eyðna, skúlastjórin, hvør hevði vunnið jólasøgukappingina. Bókasavnið skipaði fyri kappingini.

Inn komu næstan 100 søgur, so dómararnir høvdu úr at gera við at velja vinnarasøgurnar, men funnir vóru 8 vinnarar, sum fingu hvør sítt gávukort.

Ein av teimum átta vinnarunum, var okkara Sunniva. Til lukku!

4.A og 4.B hava skoytað

12.12.2019: Í dag vóru báðir flokkarnir ein túr niðri á Vaglinum og skoytaðu. Tey hugnaðu sær óført!

Takk fyri ein frálíkan dag

08.12.2019: Hósdagin vóru báðir 4. flokkarnir í ítróttarhøllini á Hálsi til "Flogbørn". Tað var sera stuttligt at vera til tiltakið við so fittum børnum. Tey vóru góð umboð fyri Eysturskúlan!

Flogbørn skúlakapping fyri 4. flokkarnar hósdagin 5. desember

04.12.2019: Góðu foreldur og børn í 4.A og 4.B!

Øll møta sum vanligt til morgunsang kl. 08:00 í Eysturskúlanum. Aftan á morgunsangin savnast vit í floksstovunum, áðrenn farið verður avstað til ítróttarhøllina á Hálsi.

Tá ið vit koma í ítróttarhøllina, er eitt økið merkt ”Eysturskúlin”. Har hava vit okkara ting/klæðir/matpakkar liggjandi, og har savnast vit. Næmingarnir verða býttir í 7 lið, við 4-5 spælarum á hvørjum liði. Næmingarnir verða blandaðir tvørturum flokkarnar.

Skrá fyri dagin:

9.00 - 9.30               Øll møta í høllini í ítrottaklæðum. Frágreiðing um Flogbørn og spælið verður víst. Havið matpakka við!

9.30 - 10.30            Vit spæla Flogbørn

10.30 - 10.50          Steðgur har børnini kunnu eta egnan matpakka

10.50- 11.50           Vit spæla Flogbørn

11.50- 12.00           Felags endi og heiðursmerkjahandan

 

Tá ið kappingin er liðug, fylgjast vit yvir aftur í Eysturskúlan, og so fáa næmingarnir frí.

 

Blíðar heilsur

Lív og Anna.

Broytingar í tímatalvuni, loynivinir og skrivikapping

29.11.2019: Góðu næmingar og foreldur í 4.B! 

Mánadagin kemur Hanna Lassaberg aftur úr barsilsfarloyvi, og í hesum sambandi verður tímatalvan broytt eitt sindur. Nýggja tímatalvan, sum tit síggja í breddanum høgrumegin, er galdandi frá mánadegnum 2. desember.

Loynivinir: Mánadagin byrjar eisini eitt trivnaðarátak í flokkinum, sum eitur “loynivinir”. Øll í flokkinum hava fingið at vita, hvørjum tey eru loynivinur hjá. Komandi vikurnar er teirra uppgáva at gleða loynivinin við at gera okkurt serstakt fyri hann. Tey kunnu lata smáar (heimagjørdar) gávur, smáar setningar o.a. uttan at vera sædd. Til endamálið hava næmingarnir hvør sín loyniposa standandi í floksstovuni.

G.G.! Gávurnar skulu vera smáar. Ætlanin er ikki, at børnini (ella foreldrini) skulu út at keypa gávur. Tó er væl loyvt t.d. at leggja eina karamellu ella líknandi í loyniposan.

Skrivikapping: Aftur í ár hava vit í Eysturskúlanum eina skrivikapping til jóla, og hesa ferð er evnið "Kærleiksjól". 6 vinnarasøgur verða funnar - 2 í hvørjari deild.

Í longd skulu søgurnar vera:

- Innskúling (1.-3. flokk) 100-200 orð

- Miðdeild (4.-6. flokk) 300-500 orð

- Hádeild (7.-9. flokk) 600-800 orð

Gerið tekningar til søguna ella finnið hóskandi myndir á netinum at prýða søguna við. Vinnararnir fáa eitt gávukort í part. Søgurnar skulu latast inn í seinasta lagi fríggjadagin 6.desember. Næmingarnir skriva søgurnar sjálvir - flokslærararnir taka ímóti søgunum.

Blíðar heilsur

Lív.

Skygni 4 - "nýggj" roknibók

25.11.2019: Í síðstu viku løgdu tit kanska til merkis eina "nýggja" roknibók í skúlataskuni. Framyvir verður roknibókin "Skygni 4" brúkt sum høvuðsbók í støddfrøði. Bindið bókina inn.

Nýggja bókarøðin, "Rokning", sum næmingarnir hava havt síðani 1. flokk, verður brúkt sum eykatilfar.

Genturnar bodnar at syngja við Føroya Symfoniorkestri

22.11.2019: Bræv frá Joannu:

Góðu foreldur at gentum í 3. 4. og 5. flokkunum.

Undirritaða er við til at fyriskipa árligu barna-jólakonsertirnar hjá Føroya Symfoniorkestri.

Skal samla nokk so nógvar gentur til at supplera musikkskúlakórinum.

Ætlaði tí at spyrja tykkum, um tykkara barn kann luttaka.

Konsertirnar eru 3 í tali, og verða:

leygardagin 7/12 kl. 15

og

sunnudagin 8/12 kl. 14 og kl. 16

Venja uppi í Norðurlandahúsinum:

- Fríggjadagin 6/12 kl. 17

- Leygardagin møta vit til aðalroynd kl. 12

 

Møgulig venjing verður hósdagin 5/12

Haldi hetta er ein einastandandi møguleiki hjá teimum, at fáa eina uppliving fyri lívið :)

P.S. Verið skjót úti at ogna tykkum eitt atgongumerki.

Kærar heilsanir

Joanna.

Setið X í seðilin, og latið flokslæraranum hann skjótast gjørligt.

Teldurnar eru komnar!

21.11.2019: So upprann dagurin, sum næmingarnir við spenningi hava bíðað eftir! Í dag kom Rúni niðan í 4.B við teldunum til flokkin. Komandi tíðina fara vit at venja okkum at brúka tær.

Teldurnar eru ikki vanligar teldur, men sokallaðar "Chrome-bøkur". Tær hava "touch"-skerm og eru sera væl egnaðar til at arbeiða við á netinum. Til ber ikki at goyma nógvar fílur og forrit á sjálvari telduni.

Talan er um skúlateldur, og hesar eru arbeiðsamboð hjá næmingunum. Næmingarnir fáa sostatt ikki teldurnar við til hús.

Vælkomin í 4.B, Miriam!

18.11.2019: Vit hava fingið ein nýggjan næming í flokkin! Miriam hevði sín fyrsta skúladag í Eysturskúlanum í dag. Hjartaliga vælkomin!

Viðtalur mánadagin 18. november

07.11.2019: Góðu foreldur og næmingar í 4.B!

Fyrru viðtalurnar hetta skúlaárið verða mánadagin 18. november. Í Eysturskúlanum er siðvenja, at næmingarnir eru við til viðtalurnar, og soleiðis verður eisini hesaferð. Teir lærarar, sum verða til viðtalurnar, eru:

Í stovu A4 (floksstovan hjá 4.B)

  • Lív, flokslærari, føroyskt, støddfrøði, kristni og ítrótt

 

Í stovu A3 (floksstovan hjá 4.A)

  • Carl Eli, enskt og søga
  • Joan, danskt og evning

 

Tit møta tvey samstundis og fara í hvør sína stovu. 15 minuttir eru settir av til hvønn í hvørjari stovu.

Liggur ikki fyri at koma ásettu tíðina, kunnu tit býta um innanhýsis. Sigið flokslæraranum frá, um tit býta um, ella um tað ikki liggur fyri at møta, í seinasta lagi fríggjadagin 15. november.

Blíðar heilsur

Flokstoymið í 4.B

Úrslitini frá skúlafótbóltskappingini

03.11.2019: Tað sær út til, at vit fara aftur til Suðuroyar um mánaðarskiftið mai/juni komandi ár! Tvey lið hjá okkum komu víðari til finalurnar: Eysturskúladreingir og Eysturskúlagentur 1. Úrslitini síggjast niðanfyri:

Finalistarnir hjá dreingjum í 4. flokki

Hesi fýra liðini eru komin víðari til finaluumfarið sum verður um mánaðarskiftið apríl/mai:

  • Skúlin við Løgmannabreyt: SVL3
  • Vágs Skúli: Vágsdreingir
  • Eysturskúlin: Eysturskúladreingir
  • Hoyvíkar Skúli: Hoyvíksdreingi

Finalistarnir hjá gentum í 4. flokki

Hjá gentunum í 4. flokki vunnu SVL gentur frá Skúlanum við Løgmannabreyt. Hesi eru komin í finaluumfarið hjá gentum í 4. flokki:

  • Skúlin við Løgmannabreyt: SVL gentur
  • Hoyvíkar Skúli: Tær skrøppu
  • Eysturskúlin: Eysturskúlagentur 1
  • Vágs Skúli: Vágsgentur

Úrslitið hjá blandaðum liðum í 4. flokki

Hjá blandaðu liðunum í 4. flokki komu “Tey Drúgvu” úr Hoyvíkar Skúla, SVL2 frá Skúlanum við Løgmannabreyt og Vágsbland frá Vágs Skúla víðari til finaluumfarið sum bólkavinnarar.

Harumframt kom besti 2’arin eisini til finaluna og gjørdist tað Gummibamsurnar frá Tvøroyrar Skúla.

Finalistarnir hjá blandaðum liðum í 4. flokki eru sostatt:

  • Hoyvíkar Skúli: Tey Drúgvu
  • Skúlin við Løgmannabreyt: SVL2
  • Vágs Skúli: Vágsbland
  • Tvøroyrar Skúli: Gummibamsurnar

Tit kunnu lesa meira um skúlafótbóltskappingarnar á heimasíðuni: https://skulafotboltur.fo/

Mín Jólabók 2019

30.10.2019: Nú gerast kvøldini myrk og long, og tá er hugaligt við eini góðari bók. Mín jólabók kemur út aftur í ár, og keypa tit bókina áðrenn 15. november, fáa tit hana áðrenn 1. desember. 

Mín jólabók 2019 er ein familjubók við søgum, hugskotum og íblástri til hugnaligar løtur. 

Næmingarnir hava fingið hvør sín haldaraseðil heim við. Tað ber til at keypa bókina við at fara inn á strok.fo og gjalda við korti, ella við at lata flokslæraranum seðilin og 200 kr.

Beinleiðis leinkja til at keypa bókina er her: https://hald.bfl.fo/Home/Product/1841/M%C3%ADn%20j%C3%B3lab%C3%B3k%202019

Barnaútvarpið

28.10.2019: Hoyrdu tit barnaútvarpið í morgun? Næmingaráðið í Miðdeildini í Eysturskúlanum greiddi frá, hvussu tey arbeiða.

Okkara Anna Helena var eisini við í sendingini. Tit kunnu lurta eftir sendingini á hesi leinkjuni: https://kvf.fo/vit/utvarp/2019/10/27/nmingari-eystursklanum

Skúlafótbóltskapping í Vági

Mikudagin 30. oktobur 2019


25.10.2019: Góðu foreldur og børn í 4. flokki!


Vit møta á farstøðini mikumorgunin 30. oktobur kl. 08:15. Smyril siglir 08:45! Vit verða koyrd aftur og fram til Marghøllina við bussum. Eysturskúlin rindar ferðakostnaðin.

Smyril siglir heim kl. 18:45, og vit eru tí í Havn aftur uml. kl. 20:45.

Foreldur eru vælkomin við - men sigið okkum frá seinast mánamorgunin kl. 08:00, um tit ætla at koma við. Vit skulu nevniliga bíleggja pláss við bussi, og tískil mugu vit hava nágreiniligt tal.

At hava við:

  • Stóran og góðan matpakka og tasku (takið bæði eina hvíta og svarta t-shirt/blusu við at sparka í)
  • 60 kr. til døgurða (væntandi ein grýturættur við eplamorl). Børnini mugu siga okkum frá mánamorgunin, um tey vilja hava døgurða.
  • Gaggur ella vanligar skógvar at sparka í.
  • Skinnarar, um tit eiga slíkar.
  • Svimjiklæði og handklæði (tey, sum ætla at svimja) – kostar 20 kr.
  • Heit klæði! Marghøllin er køld, hóast tað er innandura.
  • Lummapengar (mesta lagi 100 kr.), um tit vilja keypa okkurt umborð á Smyrli ella í Vági.

 

Tey í Vági bjóða hetta:

  • Ókeypis húgvu frá Skúlafótbóltur
  • Ókeypis frukt og vatn, meðan spælt verður
  • Ókeypis møguleika at royna klatriveggin í Marghøllini

Liðini:

  • Eysturdreingir: Allir dreingirnir
  • Eysturgentur 1: Katrin, Armgarð, Erika, Barbara D., Asta, Sunniva, Anna, Gunnvá, Tanja, Anna Helena og Signa.
  • Eysturgentur 2: Lukka Maria, Cecilia, Barbara F., Lea, Maria, Naena, Fía, Ragnhild, Vár H. og Vár P. 
  • Eysturskúlabland A: Arni B., Heini, Jói, Pætur, Katrin, Armgarð, Barbara F., Erika og Maria.
  • Eysturskúlabland B: Byrgi, Julian, Paul, Valdemar, Anna Helena, Fía, Ragnhild, Signa og Tanja.

Vit gleða okkum!


Carl Eli (tlf.: 507333) & Lív (tlf.: 504045)

Rennidagurin

11.10.2019: Takk fyri ein góðan rennidag! Næmingarnir í 4. B runnu í miðal 6,6 km. Tað eru tilsamans heilir 99 kilometrar. Røsk børn!

Á heimasíðuni hjá Miðlabreytini í NámX eru ymiskar myndir frá rennidegnum. Beinleiðis leinkja til myndirnar er her: http://namx.fo/news-rennidagur.htm

Á heimasíðu Eysturskúlans eru eisini eitt sindur øðrvísi floksmyndir frá rennidegnum. Tær finna tit á hesi leinkjuni: http://www.eysturskulin.fo/?p=347

Góða heystferiu!

Kunning frá Landslæknanum um fárasjúku

10.10.2019: Ein tilburður av fárasjúku er staðfestur í Eysturskúlanum. Tí henda kunning frá landslæknanum.

 

Information om fåresyge

Der er konstateret fåresyge

 

Det anbefales:

Har man fulgt det færøske børnevaccinationsprogram, kan man regne sig for beskyttet mod fåresyge.

Der er risikoen for at få fåresyge størst, hvis man ikke er vaccineret mod fåresyge, eller hvis man ikke har haft sygdommen.

Det anbefales at de børn, der ikke har fået deres MFR-vaccination (dækker mæslinger, fåresyge og røde hunde), bliver vaccineret hos deres praktiserende læge. Desuden anbefales det at være opmærksomme på symptomer på fåresyge inden for de nærmeste uger (se symptomer nedenfor). Opstår der symptomer på fåresyge i denne periode anbefales kontakt til den praktiserende læge eller vagtlæge.

 

Symptomer på fåresyge:

Symptomerne starter typisk med ca. 1 døgn varende tiltagende utilpashed, stigende temperatur og tiltagende trykkende fornemmelse ved kæbevinklerne. De følgende dage udvikles en dejagtig hævelse af den ene eller begge ørespytkirtler, som sidder foran ørerne og oftest giver svære smerter. Almentilstanden og feberens højde kan variere en del, men i svære tilfælde er der høj feber og påvirket almentilstand i et par dage, og sygdommen er en uges tid om at klinge af. En komplikation til fåresyge er meningitis (hjernehinde betændelse), som opstår 3-10 dage efter sygdomsudbrud, og giver høj feber, hovedpine og lysskyhed. På trods af de ubehagelige symptomer er denne virale meningtitis ofte fredelig og efterlader kun yderst sjældent varige mén.

Det er vigtigt at alle børn vaccineres da fåresyge hos voksne mænd kan give sterilitet.

 

Lars Fodgaard Møller

Landslæge

Strok, Píka7 og Mín Jólabók 2019

09.10.2019: Strok og Píka7 er úti nú og er latið teimum næmingunum, sum eru haldarar. 

Í Strok hesa ferð er eitt sindur um Judo, Arktis, krossorð og ynskimyndir. Og í Píka7 er samrøða við Óla Jákup í Stóra Dímun, okkurt um flogmýs og mangt annað.

Enn ber til at halda Strok ella Píka7. Tað er sera lætt! Farið inn á strok.fo og gjaldið við kortinum og so ert tú haldari.

Allir næmingar frá 1.-8. flokk hava fingið haldaraseðil til Mína Jólabók 2019. Har eru tveir møguleikar at tekna hald. Antin við at fara inn á strok.fo ella við at lata skrivstovuni haldaraseðilin og 200 kr.

Mín jólabók kemur í skúlan um 15. november.

Minnist til endurskin

08.10.2019: Bræv frá skúlastýrinum:

Góðu foreldur

Hetta er ein lítil heilsan frá okkum í skúlastýrinum fyri Eysturskúlan. Vit hava, síðani vit tóku við í stýrinum, verið í støðugum samskifti við býráðið um at bøta um ferðsluviðurskiftini við Eysturskúlan.

Ikki tykkum at siga, so er hesin trupulleikin størstur um morgunin við skúlabyrjan. Serliga hesa myrku árstíðina kann tað vera ein avbjóðing hjá børnunum í ferðsluni. 

Okkara vón er, at tað fer at eydnast okkum, saman við býráðnum, at bøta um viðurskiftini rundan um skúlan, so skúlavegurin kann gerast tryggari.

Men til vit eru komin á mál, fara vit at heita á tykkum um at lata børn tykkara í endurskin, so tey síggjast betri myrku morgnarnar. Eisini heita vit á tykkum at vera serstakliga varin, tá tit seta børn tykkara av. Her eru nógvir bilar og nógv børn, ið skulu framvið, og ert tú ikki nóg umhugsin, kann tín bilur forða fyri útsýninum hjá hinum bilunum, so børnini, sum skulu yvir um vegin, ikki síggjast. 

Kærar heilsanir

Foreldraumboðini í skúlastýrinum

Fía, Jákup og Magni

Her er Janko

03.10.2019: Fleiri tykkara hava óivað hoyrt um nýggja vinin í flokkinum. Hetta er Janko, maskotturin hjá 4.B. Janko býr í floksstovuni og eitur eftir apuni Janko í bókini "Frændaleysur" eftir Victor Hugo.

Janko sleppur upp í part viðhvørt, tá vit hava floksins tíma, og annars er hann altíð góður og bleytur at klemma.

Lesivika í Miðdeildini

30.09.2019: Hesa vikuna hevur Miðdeildin lesiviku við føgrum bókmentum. Hetta merkir, at allir næmingar í Miðdeildini lesa føroyskar, fagrar bókmentir í ein hálvan tíma hvønn dag í skúlanum.

Barnatannrøktin vitjar

12.09.2019: Í dag var Emi frá barnatannrøktini og vitjaði 4. flokkarnar. Hon greiddi frá, hvussu umráðandi tað er at busta tenn hvønn dag og at vit mugu minnast til at brúka tanntráð. Børnini vóru røsk at lurta, og tey høvdu nógvar spurningar, tá ið framløgan var liðug.

Emi er omma Noomi, og omman mátti sjálvandi fáa eitt klemm, áðrenn hon fór avstað aftur. :-)

Sangløta í 4.A og 4.B

02.09.2019: Í dag var fyrsta sangløtan hjá 4. flokki. Børnini (og lærararnir) sungu væl við! Hetta verður afturvendandi tiltak. Felags sangløta verður annanhvønn mánadag.

Felags foreldrafundur týskvøldið 3. september kl. 19

Týskvøldið 3. september kl. 19 verður felags foreldrafundur í Miðdeildini (4.-6. flokk). Byrjað verður við felags kunning í skúlahøllini, og farið verður síðan í flokshølini.

Nýggj floksumboð vald

Allir flokkarnir í Miðdeildini (4.-6. fl.) skulu velja eitt floksumboð og eitt varaumboð, sum saman við hinum floksumboðunum fara at manna Næmingaráðið í Miðdeildini.

Í 4.B vóru átta, sum stillaðu upp. Áðrenn valið hildu tey eina røðu, har tey greiddu frá, hvat tey kundu hugsað sær at gera, um tey vórðu vald.

Fínteljingin vísti, at Anna Helena og Sunniva fingu líka nógvar atkvøður í part. Lutakast mátti til, og úrslitið bleiv, at Anna Helena er floksumboð, og Sunniva er varafloksumboð.

Til lukku við valinum!

Barnabløðini Strok og Píkasjey

Tekna hald til bløðini á hesi leinkjuni: https://hald.bfl.fo/

Tað er Bókadeild Føroya Lærarafelags, sum gevur út. Á heimasíðuni skriva tey soleiðis um bløðini bæði:

Árshald av STROK
Í STROK kanst tú lesa um alt frá vinarlagi og kærleika til ítrótt, tíðindi, søgur, kelidjór, plantur, mat, ítriv, og skemtisøgur. Her er pláss fyri øllum, stórum sum smáum: Hvussu verður olja gjørd? Nær verður man forelskaður? Hví geispa vit? Hugskotini eru nógv, og eisini frá tykkum lesarum.

Í fleiri enn 60 ár hevur barnablaðið STROK verið ein góður vinur hjá børnum og ungum – og soleiðis verður eisini í framtíðini!

250 kr um árið.

 

Árshald av Píkasjey
Gongur tú í skúlabólki, forskúla ella ert tú farin í skúla? So er Píkasjey heilt víst eitt blað fyri teg.

Í blaðnum kanst tú lesa um ymisk dýr og nógv annað spennandi og stuttligt. Vit práta eisini við børn um ymiskt, sum tey gera. Og so eru søgur, ítriv og nógvar uppgávur bara til tín at hugna tær við.

250 kr um árið.

Matarskipan

Eysturskúlin hevur avtalu við matpakkin.fo, har til ber at bíleggja mat, sum næmingarnir fáa í matarsteðginum. Sí leinki:

https://matpakkin.fo/