Boðklivin

Rykkjari frá Býarbókasavninum

 

Góðu foreldur,

Um tit fáa ein rykkjara ella eina áminning frá Býarbókasavninum, sum tit ikki kennast við, er orsøkin helst tann, at barn tykkara hevur lænt eina bók á skúlabókasavninum, og at lánitíðin er farin.

Á heystið 2018 skifti Tórshavnar býarbókasavn og øll skúlabókasøvnini í kommununi bókingarskipan. Av tí at skúlabókasøvnini virka undir Býarbókasavninum, fáa foreldur áminning um bøkur umvegis telduboð frá Býarbókasavninum, hóast lánið er skrásett á skúlabókasavninum, har barnið gongur í skúla.

Vit hava sett fram ynski til veitaran av skipanini um at fáa hetta broytt, so tað sæst hvørjum skúla telduboðini koma frá. Vónandi halda tit okkum tilgóðar, inntil hetta kemur í rættlag. Eisini heita vit á tykkum um at hjálpa børnunum at minnast til at lata bøkurnar inn, har tær eru læntar.

Bókaummælisverkætlan

3.6. skal verkætlan til bókaummæli latast inn. Næmingarnir hava fingið frágreiðing um hetta.

Tey skulu velja sær eina bók, sum tey hava lisið.

Tey kunnu arbeiða saman í mesta lagi trý.

Verkætlanin verður gjørd heima - ikki í skúlanum.

Tey skulu gera eina verkætlan um bókina.

Ikki er neyðugt at skriva ein tekst - men gott er at duga at endurgeva søguna.

Til íblástur kunnu tit googla: book report project ideas - myndirnar vísa nógv dømi um bókaummælisverkætlanir.

Seturskúli

5. a og b fara á seturskúla úti í Hesti 20.5-22.5.

Nærri kunning kemur seinni.

Floksveitsla 3.4. kl. 18-20

Lesiavtalur

Vit eru farin undir at gera lesiavtalur í føroyskum. So hvørt sum næmingarnir læna eina bók, gera teir eina avtalu um, nær hon skal vera lisin. Henda avtala verður førd inn í vikuætlanina, so til ber at síggja, nær tey skulu vera liðug. Tí er skilagott av og á at blaða eitt sindur fram í vikuætlanini.

Tey fáa enn lesidagbók at hava liggjandi í bókini, sum helst skal fyllast út hvørja ferð tey lesa.

Ny diktat for alle A

Næmingarnir eru nú lidnir við at diktatbókina og hava fingið hana heim við. Eg vil mæla foreldrunum til at hyggja hana ígjøgnum og tosa við børnini um at lesa upp á heima. Í skúlanum nýta vit tríggjar strategiir, tá vit skriva diktat:

1. Set striku undir tey orð, tú ivast í, meðan vit skriva.

2. Nýt orðalistan aftast í bókini til, tá diktatin er skrivað.

3. Les diktatina ígjøgnum tríggjar ferðir og set eina striku fyri hvørja ferð, hon er lisin.

Minnið børnini á at nýta hesar strategiir.

Vinaliga

Randi

Viðtalur verða 13.3.

Broytt tímatalva

Tímatalvan er broytt soleiðis, at 3. og 4. tíma mikudag hava vit kristni og føroyskt 6. tíma.

Heimaarbeiði

Alt ov nógv gera ikki sítt heimaarbeiði - mánadagin vóru 10 næmingar, sum ikki høvdu gjørt heimaarbeiðið og mikudagin 7. Hetta eigur at fáast í rættlag.

Evnisvika

Frá 19.11. - 23.11. hava allir næmingar í Eysturskúlanum evnisviku hvønn dag frá kl. 8-13. Í taskuni skal vera matpakki og vælútgjørdur pennahúsi (saksur, límstift, litir....).

Skrubb staðfest í skúlanum

Ræðusøga/stílur

  • Til søguna skulu tit nýta Nem í fimta, tankakort, persónskort og arbeiðsheftið
  • Les søguna fyri einum vaksnum
  • Set punktum
  • Skriva við stórum eftir punktum
  • Minst til ", tá tað er beinleiðis tala
  • Kanna, um setningarnir ljóða rætt
  • Sprota orð ella spyr ein vaksnan
  • Foreldur ella onnur kunnu hjálpa við søguni, staving osfr.
  • Tit velja sjálvi, um tit skriva á teldu ella í hefti
  • Um tit skriva á teldu, kunnu tit senda søguna til randi.bjoerk@skulin.fo

Eg gleði meg at lesa søgurnar!

Randi

Kaku- og frukttími

Vit fara at hava kaku ella frukt tíma annanhvønn mánadag. Sí vikuætlanina.

Randi

Felags foreldrafundur

Felags foreldrafundur fyri miðdeildina verður í A-lonini hóskvøldið 13.9. kl. 19.

Útferð til Nólsoyar

Sí vikuætlan. 

Útferð týsdagin

Týsdagin, 21/8 fara allir næmingar og lærarar Eysturskúlans ein dagstúr. Vit ætla at ganga upp á Kirkjubøreyn og eitt sindur suðureftir til vatnið.

 Allir næmingarnir møta á krossinum týsmorgunin kl. 8.00. Tað er, har gamli Velbastaðvegur og vegurin út á Norðasta horn møtast - haðani farið verður til gongu. (Tvs. at næmingarnir møta ikki í skúlanum)

 Børnini skulu hava góðan matpakka og okkurt at drekka við sær og annars vera ílatin eftir veðrinum.

 Veðurforsøgnin er eitt sindur skiftandi í løtuni. Beint nú sigur hann turt og gott veður, og sólin skínur av og á. Men allarhelst er ov tíðliga at spáa um veðrið, og tískil er av stórum týdningi, at tit fylgja við her á heimasíðuni, um so er, at vit noyðast at broyta ætlan.