Boðklivin

Uppstillingarlisti til skúlastýrisvalið

Innovation

Myndir frá skeiðinum um innovation 02.11.20

Foreldraviðtalur í 4.A

Góðu foreldur og næmingar!

Viðtalur verða mikudagin 28.oktobur í floksstovuni. Lærarar, ið vera við til viðtalurnar eru: Hanna, Rebekka og Pauli.

Børnini skulu við.

Kl. 15:15          Domenik

Kl. 15:30          Annika Fríða

Kl. 15:45          Nikolina Flora

Kl. 16:00          Rani

Kl. 16:15          Elin J

Kl. 16:30          Jasmin

Kl. 16:45          Petur

Kl. 17:00          Heiðrun

Kl. 17:15          Beinta

Kl. 17:30          Sveinur

Kl. 17:45          -

Kl. 18:00          Mia

Kl. 18:15          Ári

Kl. 18:30          Bjørk

Kl. 18:45          Sóleyð

Kl. 19:00          Reinar

Kl. 19:15          Lea

Kl.19:30           Elin H

Ber ikki til at møta ásettu tíðina, kunnu tit royna at býta um. Vinaliga sigið frá, um so verður, á tlf. 289350 ella rebekka.vang@skulin.fo.

Vinaliga

Toymið í 4.A: Beinta, Hanna, Rebekka og Pauli.

 

Faldari um fnat (skrubb)

Felags foreldrafundur týskvøldið 8. septembur kl. 19-20


Komandi týskvøld verður felags foreldrafundur hjá 4.A. Fundurin verður í flokshølunum. Á skránni er ymisk kunning og val av foreldraumboðum. Ynskiligt er, at eitt umboð møtir fyri hvønn næming, soleiðis at vit ikki verða alt ov nógv fólk stúgvað saman.

Flokstoymið í 4.A: Beinta, Hanna, Palli og Rebekka.

Vælkomin í skúla aftur!

Góðu næmingar og foreldur í 4.A!

Hjartaliga væl afturkomin í skúla! Vónandi hava tit havt eitt gott summar!

Vit gleða okkum at byrja eitt nýtt skúlaár. Nú eita vit 4.A og eru flutt yvir í miðdeildina. Stovan hjá okkum vendur enn niðan móti spæliplássinum, men eru vit nú í hinum endanum av skúlanum.

Korona er komin aftur at vitja, so hana mugu vit taka atlit til. Viðvíkjandi tilmælunum, so fylgja vit somu mannagongdum, sum vit høvdu undan summarferiuni; vaska og spritta hendur, nýta brandhurðina til høvuðsdyr, tí flokkarnir skulu ikki umgangast hvønn annan úti í gongini og foreldur kunnu ikki koma inn í skúlan við sínum børnum. Reinførið verður í hásæti, men kravdu frástøðuna fáa vit ikki hildið. 4.A, ið eru 16 børn, eru ein eind, og koma vit ikki at blanda okkum við aðrar flokkar í fyrstu atløgu. Allir flokkar halda seg í síni eind. Eru sjúkueyðkenni, koma vit ikki í skúla, men boða flokslæraranum frá.

Eins og undanfarin ár, brúka vit vikuætlanina á heimasíðuni, www.eysturskulin.fo, og har verða skúlating, kunning, myndir o.a. viðkomandi tilfar lagt út.

Vónandi fáa vit øll eitt gott, stuttligt og læruríkt skúlaár í 4.A!

Blíðar heilsur

Vegna flokstoymið

Rebekka

Floksbýtið

                                                                                                      Bræv 06.06.20

Góðu foreldur      

Foreldraviðtalurnar, ið vóru á skrá, blivu ikki vegna Korona. Nú er so langt útligið og skúlaárið er næstan at enda komið, so foreldraviðtalurnar verða ikki á hesum sinni, uttan so, at onkur tykkara ynskir eina viðtalu. Sigið okkum frá um so er. 

Komandi viku ætla vit tvey tiltøk, øll grunddeildin saman. Fyrsta tiltakið verður ein gongutúrur til Kirkjubøar:

Gongutúrur mikudagin 10.06: Farið verður til Kirkjubøar. Vit møta á Velbastaðvegnum við Nomatek millum kl. 7.55- 8.10. Bussur heinta okkum í Kirkjubø og verða vit vantandi aftur á skúlanum kl. 12.30. 

At minnast til: Matpakka, okkurt at drekka og vera í gangiskóm.

 

Ítróttadagur hósdagin 11.06: Árligi ítróttardagurin hjá grunddeildini verður uppi á rennibreytini. Vit møta í skúlanum kl. 8.00.

At minnast til: Vera í ítr. klæðum og ítr.skóm. Onga skúlatasku, men posa/ryggsekk við drekkidunki og matpakka.

 

Seinastu vikuna fara vit at hugna okkum saman í 3. flokki. Vit ætla okkum ymiskt, so sum at vitja Tjóðsavnið, fara útferð.....Fylgið við á heimasíðini!

 

Komandi ár: So skjótt tímabýtið verður liðugt, fara tit at frætta, hvørjir lærararnir vera komandi ár. Ein felags foreldrafundur verður í tí síðstu vikuni, har tit fáa kunning um floksbýtið og lærarar.

Meir kunning um nær fundurin verður kemur hesa vikuna!

 

50 kr: Skúlin vil, at næmingarnir gjalda ein part av kostnaðinum, tá vit leiga buss. Tí fara vit hervið, at heita á tykkum, um at geva børnunum 50 kr.  við í skúla. (ið er fyri tveir túrar).

 

Blíðar heilsanir,

Hanna og Rebekka

Innlating nr. 20, at lata inn 01.05.20

Góðu foreldur og næmingar

 

Nú byrjar skúlin aftur mánadagin og gleða vit okkum at síggja tykkum aftur :) Næmingarnir eru í skúla frá kl.8.00-12.00 hvønn dag.

Vit í 3. flokki koma at verða í E-lonini, har Nám X vanliga heldur til. Tit skulu møta við inngongdina hjá Nám X (ovast í Djóna í Geil gøtu). Tit kunnu møta millum kl. 7.55 – 8.10, fyri at fyribyrgja at øll ikki koma í senn.

Í hesum Korona tíðum skal eingin deila blýantar og annað, tí er sera umráðandi, at øll hava síni egnu ting við í skúla. So hvør næmingur skal hava eitt penalarhús, ið innheldur:

Blýantar, viskileður, blýantspískara, linjál, límstift, saks og litblýantar

Gott hevði verið, um børnini eisini hava okkurt við í taskuni, sum tey sjálvi kunnu stytta sær stundir við. T.d. bólt, teknibók ella leiku.

Hvør næmingur skal hava ein drekkidunk við og ein millummála. Tað verður ongin mjólk mánadagin, týsdagin og mikudagin. Hósdagin fer mjólkaskipanin aftur í gongd.

At hava við í taskuni: Penalarhús við øllum. Lesimappu, Betri handskrift, Firvaldsbók. Nýtt roknihefti og nýggja brotna tímatalvu fáa tey mánadagin (hetta skal eisini liggja í taskuni). Alt tilfar tit hava liggjandi heima, skal við í skúla.

Latið børnini í eftir veðrinum, tí vit koma eisini at vera úti. Og skulu vit trúgva veðurforsøgnunum, so verður gott veður í komandi viku. Smyrjið sólkrem á børnini, áðrenn tey koma í skúla, um tørvur verður á tí.

Vit hava deilt tey í bólkar og síggja teir soleiðis út:

3. A       Hanna (218243)

Bjørg, Elin J, Ísak, Lea, Rani, Rúni, Sveinur og Tinna

 

3. B       Johann (262974)

August, Ári, Bjørn, Freia, Fríða, Julia, Mia og Reinar

 

3. D       Rebekka (289350)

Annika Fríða, Beinta, Bjørk, Dávid, Domenik, Elin H, Heiðrun, Nikolina og Petur.

  

Og til tykkara, ið hava børnini heima! Tit verða biðin um at møta á skúlanum, uttan fyri bókasavnið, mánadagin kl. 12.00. Har tit fáa nýtt tilfar heim við og kunnu skifta bøkur. Tit skulu fylgja vikuætlanini, sum er inni á heimasíðuni. Guðrun (520054) hevur ábyrgd av teimum, ið eru heima, og kemur at seta seg í samband við tykkum fyrst í næstuviku.

Hava tit spurningar, eru tit vælkomin at skriva til okkum. Lesið annars kunningina frá leiðsluni og undirvísingarstýrinum, sum eisini liggur í boðklivanum.

 

Vinaliga Guðrun, Hanna, Johann og Rebekka

Kunning frá skúlastjóranum 17.apríl

Skúlagongd 20.-24.apríl

 

Góðu foreldur og næmingar

Mánadagin 20.apríl byrjar skúlin so smátt aftur. Og sum tit nokk hava hoyrt, so er tað upp til tykkum foreldur at avgera, um barnið kemur í skúla ella ikki.

Men fyri at vit kunnu tilrættaleggja skúlagongdina og allar mannagongdir, sum eru neyðugar, so hevur tað stóran týdning, at vit vita, hvør kemur í skúla ella ikki.

Ynskiligt er at øll foreldur fara inn á hesa leinkjuna og svara um barnið kemur ella ikki kemur. Í seinasta lagi í morgin, hósdagin kl.12.00

https://forms.office.com/Pages/ResponsePage.aspx?id=TWbUsi8C20e3cWLMLmUxR-HqUewT3_ZMgxyvsQO3-2lUM0taTENHOEwxTUJLRjNFU0pEVlNXNVFUWS4u

GG! Vit fara at heita á tykkum um at hyggja á vikuætlanina hvønn hósdag og svara, um barn tykkara kemur í skúla, ella hvønn dag tað kemur í skúla ta komandi vikuna. Hetta verður gjørt, so leingi henda støðan heldur fram.

Skúlin hevur ikki fingið alla kunning enn, um hvussu vit, sum skúli skulu fara fram, men hava vit gjørt okkum eina fyribilsætlan.

Næmingarnir eru í skúla frá kl. 8-12 hvønn dag.

Næmingarnir verða koyrdir í bólkar, á leið 8 næmingar í hvørjum, og verður ein lærari knýttur at hvørjum bólki. Hesi verða saman allan dagin, og tað verður sami lærari, sum hevur sama bólka hvønn dag. Fyri at minka um smittu vandan, so koma bólkarnir ikki at hava “kontakt” við hvønn annan. Tvs. At bert ein bólkur hevur fríkorter í senn, hvør bólkur sær fær eitt vesi osfr.

3. flokkur kemur at halda til í stovunum hjá Nám X. Vit fara ikki at nýta úthurðarnar, men brandhurðarnar til hvørja einstaka stovu, so at tað ikki samlast ov nógv børn í gongini í senn.

Hugsa verður um frástøðu millum borðini, og at alt verður spritta og gjørt reint við jøvnum millumbilum. Tvs. At borð og alt í stovuni verður vaska og spritta, tá børnini hava fríkorter og vesini verða vaskaði og sprittaði, tá børnini hava tíma.

Børnini mugu hava okkurt við at eta, tað er tó ikki neyðugt, at hava ein stóran matpakka við, tí tey hava frí kl.12 hvønn dag.

Vit skipa dagin og allar aktivitetir í einum skemaði, soleiðis at vit í best møguliga mun kunnu halda smittuvandanum niðri.

Tey, sum ikki eru í skúla, halda áfram við heimaskúla. Skúlatingini verða tey somu, sum í skúlanum, og verða løgd inn á heimasíðuna. Tí er neyðugt at hyggja inn á heimasíðuna hvønn dag, og at fylgja tí vit gera í skúlanum.

GG! Vit heita á tykkum, um ikki at koma við børnunum í skúla ella eftir teimum, men at bíða úti, um so er. Hetta fyri at minka um smittuvandan.

GG! Meir kunning kemur síðst í vikuni

Eru spurningar, eru tit vælkomin at skriva til okkara.

Vinarliga Guðrun og Rebekka

Góðu tit í 3.flokki

Nú fara vit í páskaferiu; njótið hana saman við húskinum. Eg má siga, at eg eigi ikki orð fyri, hvussu røsk tit hava verið, nú tit hava verið heima í skúla.

Hvussu tað verður aftaná páskir, veit eg ikki enn, men so skjótt eg veit okkurt, leggi eg tað á heimasíðuna hjá skúlanum. www.eysturskulin.fo

Gleðiligar páskir ynski eg tykkum.


Eyðna Magnussen, skúlastjóri

Kunning til barnafamiljur um korona frá Mentamálaráðnum

Nýtt tilfar!

Vit ynskja at næmingarnir koma í skúlan hósdagin eftir nýggjum tilfari. Tey fáa lænt nýggjar bøkur og fáa nýtt roknitilfar. Eisini er hetta ein góður møguleiki hjá okkum líka at heilsa uppá, tó við frástøðu ;)

Fyri at taka hædd fyri smittuvanda, ynskja vit at allir næmingar ikki koma í senn. Vit hava gjørt eitt yvirlit yvir nær hvør skal møta - sí niðanfyri. Minnið børnini á, at fara beint heim aftaná.

Næmingarnir koma inn gjøgnum høvuðsdyrnar og bíða har, inntil ein av lærarunum kemur.

Eru spurningar, eru tit vælkomin at skriva til Guðrun ella Rebekku.

 

Vinarliga Guðrun, Hanna, Johann og Rebekka

 

Yvirlit yvir nær tey skulu koma:

Kl.10.00              Annika Fríða, Arina, Beinta, Sveinur, Rúni.

Kl.10.30              Bjørg, Bjørk, Elin J., Reinar, Rani.

Kl.11.00              Elin H., Freia, Fríða, Petur, Ísak.

Kl.11.30              Heiðrun, Jasmin, Julia, Dávid, Bjørn.

Kl.12.00              Lea, Malan, Mia, Ári, August.

Kl.12.30              Monika, Nikolina, Sóleyð, Tinna, Domenik.

 

Støddfrøði 23.mars

Hey :)

Vónandi gongur tað væl hjá tykkum at rokna heima. Um tað er okkurt tit ikki duga, so eru tit vælkomin at skriva til okkara. Men minnist til at royna at halda pluss, minus og falda við líka :)

Vit hava gjørt eitt nýtt roknihefti aftrat. Sí niðanfyri

Hava tit spurningar ella tørv á at fáa uppgávurnar prentaðar út, so kunnu tit skriva til mín á: rebekka.vang@skulin.fo ella tlf. 289350

Og ynskir man at gera okkurt annað við rokning innímillum ella aftrat, so eru nógvar góðar heimasíður við roknispølum. Sí niðanfyri!

Eisini er gott at læra seg at loysa sudoku, at leggja kabal, spæla borðspøl, kort ella kanska hoppa band ella dribla ein bólt ímeðan tú venur tabellirnar, møguleikarnir eru nógvir ;)

Men minnist til eisini at fáa tykkum fríska luft og at hugna tykkum :)

Heilsan Rebekka og Johann

 

Heimasíður við roknispølum:

https://www.matematikk.org/trinn1-4/spillsamling/  - Gangetesteren er eitt gott spæl

https://www.arcademics.com/ 

http://podium.gyldendal.no/salabyintro/matematikk1/tid-og-klokke  Hendan er fín til at venja klokkuna.

http://www.sheppardsoftware.com/mathgames/fruitshoot/fruitshoot_addition.htm  Til at venja pluss

https://cardgames.io/yahtzee/  Yatsy og ymisk kortspøl á telduni

https://www.digipuzzle.net/dk/skolespil/ 

https://mattip.dk/elev/alle-spil/ 

Kunning um, hvussu tit brúka tilfarið omanfyri

Tann fyrsta uppgávan er góð at brúka, meðan tey sita við lesibókini - tey skulu ringla, leita eftir orðum og skriva tey.
Hinar uppgávurnar hava tey roynt fyrr; í summum av teimum, skulu tey leita eftir fjaldum orðum, og tann seinasta uppgávan er venjing av orðflokkunum, sum tey hava lært - leita eftir navnorðum, sagnorðum og lýsingarorðum.
Uppgávurnar kunnu prentast út, ella skrivast á eitt annað ark.

Um tit hava spurningar, eru tit vælkomin at skriva til okkum - annaðhvørt við sms ella sum teldupost.

Aðrar uppgávur verða lagdar inn, sum dagarnir ganga.

Góðan arbeiðshug! :)

Kunning frá leiðsluni um Corona

 

Góðu foreldur

Landsstýrismaðurin í heilsumálum mælir til ítøkilig tiltøk, sum hava til endamál at fyribyrgja coronasmittu (sí www.hmr.fo)

Í skúlanum fylgja vit tilmælunum, sum í fyrstu syftu snúgva seg um reinføri.

·       At vaska sær um hendurnar ofta og/ella brúka handspritt, um atgongd ikki er til vask.

·       At hosta og njósa í ermuna ella í eitt pappírslummaturriklæði

 

Hvat gera vit í skúlanum?

Skúlin hevur eyguni eftir at sápa, handspritt og pappírshandklæði altíð eru inni á næminga- og starvsfólkawc´num. Í flokshølunum og í øllum starvsfólkarúmum eru sápa og pappírshandklæði. Handspritt og veggjauppsløg, har mint verður á at spritta hendurnar, eru við allar høvuðsinngongdirnar í skúlan.

Vit í skúlanum minna eisini næmingarnar á at vaska sær um hendurnar, tá ið tey hava verið úti, og áðrenn tey fara at eta matpakka. Gott hevði verið, um tit foreldur eisini prátaðu við tey um hetta heima.

Seinasta tilmæli frá myndugleikunum er, at stórar fólkamongdir skulu ikki samlast. Tað er ikki beinleiðis nøkur tilráðing frá heilsumyndugleikunum um at taka stig til at avlýsa morgunsang, men um skúlin heldur vil hava samlingar í minni bólkum, er sjálvsagt einki í vegin fyri tí. Skúlar eru ymiskir á stødd, og vit hava gjørt av, at komandi 14 dagarnar savna vit næmingarnar í smærri bólkum hvønn morgun kl. 8.00. Morgunsangurin verður hildin antin í deildunum ella í flokshølunum hesa tíðina.

Um 14 dagar eftirmeta vit, um vit taka morgunsangin uppaftur, har vit øll eru saman.

Vit í skúlanum merkja, at summi børn eru ørkymlað um støðuna viðvíkjandi Covid19. Tað hevur tí stóran týdning, at vit vaksnu tosa soleiðis við børnini, at tey ikki gerast bangin.

Niðanfyri verður víst til heimasíðuna hjá Barnabata. Har eru góð ráð at heinta, um hvussu vit kunnu tosa við børnini og svara teirra spurningum, so tey ikki gerast stúrin.

https://www.barnabati.fo/hvussu-tu-kanst-tosa-vid-born-um-coronavirus/

 

Á heimasíðuni hjá skúlanum verður leypandi kunning, um tørvur er á nýggjari kunning.

www.eysturskulin.fo

Lesibøkur

Vit hava valt at leggja krabbabøkur og lesimappur á hillina í mars mánað.

Børnini eru deild í bólkar á 3 ella 4, har øll børnini í hvørjum bólki hava somu bók.

Tey lesa eitt sindur saman í skúlanum, og avtala so, hvat tey skulu lesa heima til næsta føroyskt tíma.

Skúlafótbóltur

Góðu foreldur!

 

Tann 15/4-20 fara vit til suðriar at spæla skúlafótbólt.

Kappingin verður í Marghøllini í Vági.

Smyril siglir av Havn kl.08.45 og av Tvøroyri aftur kl.18.30, so vit verða aftur á havnini uml. kl.20.30.

Tað eru ikki øll børnini ið vilja sparka, men vit vilja helst, at øll koma suður við og fáa hetta upplivilsi saman við hinum floksfeløgunum og at stuðla teimum, meðan spælt verður.

Rebekka og Guðrun fara suður við børnunum, men av tí at tey eru 30 børn í flokkinum, so vilja vit fegnar hava onkur foreldur við. Um tit hava hug, og tað liggur fyri at koma við suður, so hevði hetta glett okkum J Vit vilja fegnar fáa boð, um tit koma við skjótast gjørligt – tit kunnu senda okkum eini sms boð ella ein teldupost, um hetta.

Hetta er beint eftir páskafrítíðina, og tí er umráðandi at fyrireikingarnar eru komnar upp á pláss áðrenn børnini fáa feriu.

Tit fáa meiri kunning um henda túr kemur seinni.

 

Blíðar heilsanir

Rebekka og Guðrun

Og mamma!

Børnini hava fingið eina nýggja lesibók. Lesibókin hesu ferð er "Og mamma!", sum Elin á Rógvi hevur skrivað.

Vit hava valt at tikið nem í triðja inn aftur, tí vit meta, at hesar eru ov torførar, og tær viðgera ymisk tung evni, sum børnini enn eru ov smá til. Tí fáa tey gjøgnum restina av skúlaárinum ymiskar smærri bøkur, sum vit lesa saman í skúlanum, og tey fáa eisini okkurt fyri heima. Tá hvør kapittul er liðugur, gera tey uppgávur til teir.

Tá tey skulu  lesa í bókunum heim, tá er týdningarmikið, at tey ikki lesa longur, enn tað tey hava fingið fyri. Soleiðis, at vit øll fylgjast, og onkur ikki fortelur, hvat tað er sum fer at henda víðari.

Næmingarnir frí 18.februar 2020

03.02.2020: Góðu foreldur

Týsdagin 18. og 19. februar 2020 skipar Mentamálaráðið, Undirvísingarstýrið og Nám fyri ráðstevnu í Norðurlandahúsinum fyri lærarum og námsfrøðingum í føroyska fólkaskúlanum

Starvsfólk Eysturskúlans luttaka 18. februar.

Evnið á ráðstevnuni er: Læring, og heitið er: Lærdómur er lættur at bera – læring í 21. Øld.

Næmingar í Eysturskúlanum hava tískil frí 18. februar.

Frítíðarskúlin er opin henda dagin frá kl. 8.00.

Pangea Støddfrøðikappingin

Í døgunum 5.-7. februar verða undanumførini í Pangea Støddfrøðikappingini í skúlunum kring alt landið. Undanumførini verða roknað í skúlunum, og næmingarnir fáa 60 minuttir til at loysa uppgávurnar.

Tilsamans trý umfør eru í kappingini. Annað umfar verður helst her í Eysturskúlanum ein leygardag seinni í vár, og finalan verður helst í Norðurlandahúsinum.

Tit kunnu síggja meira á facebook síðuni "Pangea Føroyar - Støddfrøðikappingin" sí leinkið: https://www.facebook.com/PangeaFO/

100 dagaveitslan

 

Góðu tit øll :)                  

Hósdagin 23.januar fara vit at hava tí afturvendandi, góðu veitsluna, har vit hátíðarhalda, at vit enn eina ferð hava gingið 100 dagar í skúla! Vit hugna okkum saman; eta gott, spæla dansispøl og syngja.

Veitslan byrjar kl.17 og endar kl.19.00.

Á matarskránni verða pitsasniglar og pylsybreyð. Og omaná eta vit vaflur við róma og súltutoyi.

Vit hava gjørt ein matarlista (sí niðanfyri); har síggja tit, hvør ger hvat. Vónandi er tað í lagi.

Vit býttu flokkin upp í tvey í fjør, soleiðis at helvtin av børnunum høvdu mat við í fjør, og so hevur hin helvtin mat við í ár. Hetta var tí, at vit sóu at ein rúgva av mati leyp av, tí hava vit valt at gera tað soleiðis.

Hugsið um, at tað, tit koma við, er klárt – niðurskorið og í góðum íløtum. Tit fáa hesi aftur sama kvøld ;)

Næmingarnir taka sjálvir okkurt at drekka við; t.d. ein hálvan litur av sodavatni ella saft.

Skuldi nakar ivast, so hava bara næmingar og lærarar í innskúlingini atgongd til hesa fínu veitslu ;)

 

Vinaliga

 

Guðrun, Hanna, Rebekka og Johann

 

Matarlistin

 

Pitsasniglar - uml. 20 stk

Fríða, Ísak, Tinna

 

Frikkadellur – 1 kg hvør

Beinta, Sveinur

 

Pylsubreyð - uml. 20 stk

Elin J., Lea, Petur, Mia

 

Gularótastengur: 1 kg sundurskornar gularøtur hvør

Sóleyð

 

Agurkustengur:  3 sundurskornar agurkur hvør

Ári

 

Dipp: 2 portiónir + 1 stóran dunk ketsjup

Jasmin

                                        

Vaflur – Eina portión av vafflum hvør

Malan, Arina, Rani

 

Róma (2 pk) og súltutoy (1 spann)

Rúni

Jólahugni í 3.flokki

 

Hey øll í 3 flokki, næmingar, foreldur, systkin og lærarar.

Hjartaliga vælkomin til jólahugna í 3 flokki

Hóskvøldið 12 desember kl 17.30 – 20.00 í flokshølunum.

Vit fara at hugna okkum og eta eina máltíð saman. Kanska fer onkur at framføra okkurt fyri okkum.

Vit gera sum siðsta ár. Øll taka okkurt við til sína familju til eitt sjálvtøkuborð. Tað kann t.d vera smurt breyð, pylsubreyð, pizza ella pizzasniglar, lasania, salat, tvíflísar, frikadellur osv. Bert hugflogið setur mørk. Minnist til at vit ikki kunnu hita matin her á skúlanum, tað má gerast heima.

Gott hevði verið um 3 foreldur kunnu baka eina skuffikøku/eplaskivur/smákøkur (tit velja okkurt) boða frá á facebook bólkinum. Genturnar taka eina kannu av kaffi og dreingirnir eina kannu av te við.

Hvør familja hevur 20 krónur við til felags útreiðslur av borðbúnaði, mjólk og saft. Foreldraráðið leggur út fyri hetta.

Vit síggjast í góðum jólahýri hósdagin 12. desember.

Og ikki at gloyma – øll børnini kunnu taka eina lummalykt við.

Vónandi verður undirtøkan góð, vit gleða okkum.

Við jólakvøðu

Foreldrabólkurin

Skrivikapping

Til fríggjadagin 22/11-19

Fyrisøgnin til 15/11-19.

Foreldraviðtalur í 3.flokki

Viðtalur verða týsdagin 22.oktobur og hósdagin 24.oktobur í báðum floksstovunum hjá 3.flokki. Guðrun og Hanna verða í eini stovuni, meðan Johann og Rebekka eru í hinari stovuni.

Børnini skulu ikki við.

 

Týsdagin 22.oktobur

Kl. 14:00 Annika Fríða og Jasmin

Kl. 14:20 Rani og Sveinur

Kl. 14:40 Heiðrun og Mia

Kl. 15.00 Bjørn og Ári

Kl. 15:20 Elin H. og Petur

Kl. 15:40 Bjørg og Tinna

Kl. 16:00 Ísak og Malan

Kl. 16:20 Monica og Lea

Kl. 16:40 August og Rúni

 

Hósdagin 24.oktobur

Kl. 15:00 Freia og Julia

Kl. 15:20 Beinta og Dávid

Kl. 15:40 Fríða og Arina

Kl. 16:00 Reinar og Elin J

Kl. 16:20 Nikolina Flora og Bjørk

Kl. 16:40 Sóleyð og Domenik

 

Ber ikki til at møta ásettu tíðina, kunnu tit býta um. Sigið frá, um so verður.

Vinaliga

Rebekka og Guðrun

Bræv frá skúlastjóranum:

Góður foreldur

Sum eina roynd at betra um ferðslutrygdina hjá okkara yngstu næmingum, fara vit eftir heystfrítíðina at steingja portrið í Lítlagarði; portrið, sum gongur beint út á vegin (ovasta partin av Tórgarðsgøtu). Tað kemur onkuntíð fyri, at næmingarnir renna beint út úr garðinum, og tá eru tey beint úti á vegnum; og um morgunin er nógv ferðsla á hesum økinum; børnini eru smá og síggjast ikki altíð so væl.

Børnini skulu nú ístaðin brúka portrið, sum vendir vestureftir (niðan ímóti grøna økinum og spælitorninum omanfyri skúlan)

Vit royna hetta fyrst í 14 dagar, og so eftirmeta vit, um vit skulu lata portrið uppaftur, ella at hetta var ein góð loysn.

Tit, foreldur, eru hjartaliga væl komin at siga, hvat tit halda, tá ið vit hava roynt hetta í 14 dagar.

Blíðar heilsanir

Skúlastjórin og skúlastýrið

Loynivinir

Góðu foreldur!

Vit fara fram til heystfrítíðina at royna at geva børnunum í 3.flokki ein loynivin, sum tey skulu geva serligt uppmerksemi.

 Loynivinurin er onkur, sum barnið vanliga ikki tosar so nógv við. Vit royna hetta, so tey eisini eru uppmerksom upp á onnur í flokkinum, og ikki bert tey, sum tey vanliga spæla og eru saman við.

Børnini hava annaðhvørt fingið eina stjørnu ella eina blómu, sum tey sjálvi hava gjørt, við í postmappuna.

Á stjørnunum/blómunum stendur navnið á barninum, og navnið á loynivininum, ið tað skal geva serligt uppmerksemi ta næstu vikuna. Eisini stendur, hvussu tey skulu gera hetta – við práti, positivum viðmerkingum, góðum gerðum, uppmerksemi og hjálpsemi. Hvat og hvussu tey gera er upp til børnini sjálvi. Gott hevði verið, um tit hyggja eftir hesum saman við barninum, og kanska práta heima, hvat og hvussu børnini kunnu gera.

Børnini skulu eisini, hugsa um, at tá onkur annar, sum tey vanliga ikki eru so nógv saman við, kemur at tosa, hjálpa ella ger okkurt annað, so er møguligt, at tey eru loynivinur teirra, og tí mugu tey eisini geva tí barninum uppmerksemi.

Hvør loynivinurin er, er sjálvandi loyniligt; tí mugu børnini ikki fortelja hinum, hvønn loynivin tey hava fingið. Hósdagin í komandi viku (10/10-19) sleppa tey at royna at gita, hvønn loynivin tey hildu seg hava.

 

Blíðar heilsanir

Flokslærarar í 3.flokki

Rebekka og Guðrun

Lesivika

Hesa vikuna er lesivika í grunddeildini.
Børnini hava øll fingið eina ella tvær eykabøkur heim við, sum tey skulu lesa í hesa vikuna. Meðan lesivika er, verða krabbabøkurnar lagdar á hillina.
Mánadagin fáa børnini eitt øðrvísi lesikort, sum tey skulu fylla út, so hvørt sum tey hava lisið.
Vit hava eisini gjørt eitt lesitræ í grunddeildini, har næmingarnir heingja eitt blað upp fyri hvørja bók, tey hava lisið.

Nólsoyartúrur

Her er nakrar myndir frá túrinum í dag. :)

Ítróttadagar
 

Góðu foreldur!


Týsdagin 18 / 6 og mikudagin 19 / 6 fara vit at hava ítróttadagar í grunddeildini. Vit møta sum vanligt klokkan 08:00. Týsdagin hava børnini frí kl.12:45 og mikudagin sum vanligt.

Týsdagin klokkan 09:30 ganga vit úr skúlanum og niðan á Tórsbreyt. Har fara vit at hava ymiskar aktivitetir og hugna okkum saman.

Mikudagin koma vit at vera á Eysturvølli, har vit hava ymiskar kappingar.

Týsdagin skulu børnini bert hava ein góðan matpakka, matarklemmu og drekkidunk við. Børnini mugu vera klædd eftir veðrinum og í góðum skóm. Mikudagin skulu børnini eisini hava skúlataskuna við í skúla.

 

Blíðar heilsanir

Toymið í grunddeildini

Útferð

Góðu foreldur!  

Týsdagin 28. mai fer grunddeildin útferð. Vit ætla okkum at ganga eftir gøtuni av Norðasta Horni niðan á Hotel Føroyar og síðani oman í viðarlundina undir Kerjum. Har eta vit matpakka og hugna okkum, áðrenn vit fara til gongu aftur í Eyturskúlan.  

Vit vænta at verða aftur í skúlanum, áðrenn børnini í 1. og 2. flokki hava frí (kl.12.45), tá heintar frítíðarskúlin børnini. 

Henda dagin skulu børnini bert hava ein ryggsekk við, sum inniheldur:  

Ein góðan matpakka, millummála og ein drekkidunk.  

Tey skulu vera væl ílatin og í góðum skóm.  

Børnini møta við barnagarðin á Norðasta Horni millum 8.00 - 8.20.  

Farið verður til gongu kl. 8.30. 

Lærararnir eru á staðnum frá kl. 8.00 at taka í móti børnunum.  

Vit gleða okkum til ein góðan túr saman við børnunum. 

Blíðar heilsanir 

Lærararnir í grunddeildini. 

 

GG! Hava tit spurningar hesum viðvíkjandi, so eru tit vælkomin at venda tykkum til flokslæraran. 

Urtagarðsvika 

Frá hósdegnum 2/5-19 til og við týsdagin 7/5-19 verða urtagarðsdagar í Eysturskúlanum. Vanliga tímatalvan verður løgd tilsíðis hesar dagar, so børnini skulu bert hava: Pennahúsa, lím og saks, matpakka, drekkidunk í taskuni. Skilagott hevði verið, um tey høvdu skiftiklæði við í skúla.

Vit fara m.a. at gera ein eplaveltu, seta epli niður og planta ymiskt grønmeti, og eisini fara vit at lúka kring skúlan. Vit koma at læra um plantur og annað, sum er í einum urtagarði, og arbeiða við ymiskum evnum hvønn dag.

Vit vera nógv úti og tí er týdningarmikið, at børnini eru væl ílatin, hava góð klæði og gummistivlar við.

Hesar dagar eru børnini í skúla soleiðis: hósdag, mánadag og týsdag frá kl. 08:00 - 13:00. Og fríggjadag frá kl. 08:00 - 11:30. Frítíðarskúlin heintar børnini í 1. og 2. flokki, tá skúladagurin er liðugur.

 

Blíðar heilsanir

Toymið í grunddeildini

 

GG!

Gott hevði verið, um tit kundu givið børnunum eggjabakkar við 10/12 rúmum og ein urtapottafjalarar, eina glaskrukku ella annað at planta í, við í skúla miku- ella hósdagin.

 

Lesidagar hjá hvørjum barni, tá skulu uppgávurnar vera lidnar:

Foreldraviðtalur í 2. Flokki

 

Foreldraviðtalur verða mikudagin 6.mars  og hósdagin 7.mars í floksstovunum hjá 2.flokki. Børnini skulu ikki við til viðtalurnar hesaferð. Til viðtalurnar verða Guðrun, Hanna og Rebekka.

 

Mikudagin 6.mars

 

Kl. 16.00             Jasmin

Kl. 16.15             Fríða

Kl. 16.30             Bjørn

Kl. 16.45             Bjørk

Kl. 17.00             August

Kl. 17.15             Siri

Kl. 17.30             Sóleyð

Kl.17.45              Victoria

Kl.18.00              Monica

Kl.18.15              Nikolina Flora

Kl.18.30              Rani

Kl.18.45              Beinta

Kl.19.00              Ísak

Kl.19.15              Elin H

Kl.19.30              Domenik

Kl.19.45              Bjørg

Kl.20.00              Reinar

 

 

Hósdagin 7.mars

 

Kl. 14.00             Heiðrun

Kl. 14.15             Freia

Kl. 14.30             Tinna

Kl. 14.45             Malan

Kl. 15.00             Dávid

Kl. 15.15             Annika Fríða

Kl. 15.30             Arina

Kl. 15.45             Petur

Kl. 16.00             Elin J

Kl. 16.15             Julia

Kl. 16.30             Rúni

Kl. 16.45             Sveinur

Kl. 17.00             Ári

 

Ber ikki til at møta ásettu tíðina, kunnu tit royna at býta um innanhýsis. Vinaliga sigi frá í telduposti ella sms-boðum, um tit býta um tíð.

 

Vinaliga Guðrun og Rebekka

Krabbabøkur og uppgávur!

Á vikuætlanini stendur ikki altíð, at børnini skulu lesa í krabbabókum, hetta er tí, at vit meta, at tað kann verða ov nógv bæði at lesa í Føroyskt lesibókini og krabbabókum hvønn dag. Hetta merkir tó ikki, at børnini ikki skulu lesa í krabbabókum og gera uppgávur heima. Um barnið orkar/megnar og hevur hug at lesa meira, so lesið endiliga við teimum.

Vit hava áður sagt, at øll børnini hava ein ávísan lesidag, har tey lesa í krabbabókum fyri okkum lærarum. og tey skrifta bøkurnar, um tey hava lisið bøkurnar nóg ofta (4 ferðir) og duga tær. Men vit taka tey ikki at lesa, um tey ikki hava gjørt uppgávurnar til bøkurnar. So mugu tey bíða til ein annan dag, tá tey hava gjørt uppgávurnar.

Tað er sera týdningarmikið, at børnini gera uppgávurnar, soleiðis at tey sleppa at skifta bøkurnar. Teimum nýtist t.d. ikki at lesa í krabbabókunum hvønn dag, tað er eisini í lagi "bara" at gera uppgávurnar, tí tey lesa eisini, tá tey gera uppgávurnar, men tey kunnu ikki gera uppgávurnar, fyrrenn tey hava lisið bøkurnar.

100 dagaveitslan

Góðu tit øll :)

Hósdagin 24.januar fara vit at hava tí afturvendandi, góðu veitsluna, har vit hátíðarhalda, at vit enn eina ferð hava gingið 100 dagar í skúla! Vit hugna okkum saman; eta gott, spæla dansispøl og syngja.

 

Veitslan byrjar kl.17 og endar kl.19.00.

 

Á matarskránni verða pitsasniglar og pylsybreyð. Og omaná eta vit vaflur við róma og súltutoyi.

Vit hava gjørt ein matarlista (sí niðanfyri); har síggja tit, hvør ger hvat. Vónandi er tað í lagi.

Vit hava valt at býta flokkin upp í tvey, soleiðis at onnur helvt av børnunum hevur mat við í ár, og so hevur hin helvtin mat við í næsta ár. Vit sóu í fjør, at tað leyp ein rúgva av mati av, tí hava vit valt at gera tað soleiðis.

Hugsið um, at tað, tit koma við, er klárt – niðurskorið og í góðum íløtum. Tit fáa hesi aftur sama kvøld ;)

Næmingarnir taka sjálvir okkurt at drekka við; t.d. ein hálvan litur av sodavatni ella saft.

Skuldi nakar ivast, so hava bara næmingar og lærarar í innskúlingini atgongd til hesa fínu veitslu ;)

 

Vinaliga

Guðrun, Hanna og Rebekka

 

Matarlistin

 

Pitsasniglar - uml. 20 stk

Reinar, August, Freia

 

Frikkadellur – 1 kg hvør / Frikkadellir ístaðin

Dávid, Domenik

 

Pylsubreyð - uml. 20 stk

Julia, Tinna, Siri

 

Gularótastengur: 1 kg sundurskornar gularøtur hvør

Elin H.  

 

Agurkustengur:  3 sundurskornar agurkur hvør

Heiðrun                          

 

Dipp: 2 portiónir + 1 stóra dunk ketsjup

Bjørn                                                                        

                                        

Vaflur – Eina portión av vafflum hvør

Bjørk, Malan, Monica                                                          

 

Róma (2 pk) og súltutoy (1 spann)

Annika Fríða                                              

Útferð

Týsdagin, 21/8 fara allir næmingar og lærarar Eysturskúlans ein dagstúr. Vit ætla at ganga upp á Kirkjubøreyn og eitt sindur suðureftir til vatnið. 

Veðurforsøgnin er eitt sindur skiftandi í løtuni. Beint nú sigur hann turt og gott veður, og sólin skínur av og á. Men allarhelst er ov tíðliga at spáa um veðrið, og tískil er av stórum týdningi, at tit fylgja við á heimasíðuni www.eysturskulin.fo, um so er, at vit noyðast at broyta ætlan. 

Allir næmingarnir møta á krossinum týsmorgunin kl. 8.00. Tað er, har gamli Velbastaðvegur og vegurin út á Norðasta horn møtast - haðani farið verður til gongu. (Tvs. at næmingarnir møta ikki í skúlanum

Børnini skulu hava góðan matpakka og okkurt at drekka við sær og annars vera ílatin eftir veðrinum.

Túrurin er væntandi liðugur um middagsleitið og endar við skúlan á Argjahamri. Gott hevði verið, um onkur tykkara kundu koyrt tey annaðhvørt í skúlan ella í frítíðarskúlan. Ber hetta til, kunnu tit boða Rebekku (289350) ella Guðruni (520054) frá.

 

Foreldraviðtalur í 2. Flokki

 

Foreldraviðtalur verða týsdagin 30. oktobur og hósdagin 1. novembur í floksstovunum hjá 2.flokki. Børnini skulu við til viðtalurnar. Til viðtalurnar verða Guðrun, Hanna og Rebekka.

 

Týsdagin 30. oktobur

Kl. 14.00             Annika Fríða

Kl. 14.15             Elin J

Kl. 14.30             Dávid

Kl. 14.45             Julia

Kl. 15.00             Arina

Kl. 15.15             Rani

Kl. 15.30             Heiðrun

Kl. 15.45             Ísak

Kl. 16.00             Bjørg

Kl. 16.15             Freia

Kl. 16.30             Bjørn

Kl. 16.45             Bjørk

Kl. 17.00             August

Kl. 17. 15            Siri

Kl. 17.30             Sóleyð

 

Hósdagin 1. novembur

Kl. 14.00             Petur

Kl. 14.15             Fríða

Kl. 14.30             Elin H.

Kl. 14.45             Sveinur

Kl. 15.00             Nikolina Flora

Kl. 15.15             Reinar

Kl. 15.30             Victoria

Kl. 15.45             Jasmin

Kl. 16.00             Beinta

Kl. 16.15             Monica

Kl. 16.30             Rúni

Kl. 16.45             Malan

Kl. 17.00             Ári

Kl. 17. 15            Tinna

Kl. 17.30             Domenik

 

Ber ikki til at møta ásettu tíðina, kunnu tit royna at býta um innanhýsis. Vinaliga sigið frá í telduposti ella sms-boðum, um tit býta um tíð.

 

Vinaliga Guðrun og Rebekka

Samandráttur frá felags foreldrafundinum

Takk fyri seinast, deiligt at síggja tykkum aftur.

Á fundinum tosaðu m.a. um trivnaði hjá flokkinum, serliga trivnaðin millum dreingirnar. Vit blivu samd um, at Forthnight og líknandi spøl blivu sett til síðis í ein mánaða. Og avgjørdu vit at eftirmeta hetta á einum fundi um eini fýra vikur.

Eisini bleiv nevnt at práta við børnini um at verða góð við hvønn annan, og at tá ið tey spæla, at tey lova hvørjum øðrum við.

Nýtt foreldraráð bleiv valt:

Eilin, mamma Svein.       Hansina, mamma Ára.             Randi, mamma Heiðrun

 

Heilsan Guðrun, Hanna og Rebekka

 

Nýggir næmingar!

Vit hava fingið tríggjar nýggja næmingar í 2.flokk. 

Tveir av næminunum eru komnir úr Danmark, hesi eita August Erik Hviid og Siri Joensen.

Eisini hava vit fingið Freiu Heimsdóttir, sum er komin úr suðri.

Vit ynskja næmingunum vælkomnum og vóna, at tey fara at trívast væl í Eysturskúlanum :)

Nýggj lesi- og arbeiðsbók!

Góðu foreldur

Hanna og Guðrun eru bidnar um at royndarkoyra nýtt føroyskt tilfar, sum Marianna Skarðenni Poulsen hevur gjørt í sambandi við eina kapping, sum hon vann.

Talan er um nýggja lesibók í føroyskum. Hetta er spildurnýtt tilfar, har alt enn ikki er liðugt prenta. Tí fáa børnini í  fyrsta umfari eina lesibók og eina arbeiðsbók til. Hetta tilfarið røkkur til heystfrítíðina, og eftir tað fáa tey aftur nýggjar bøkur.

Vit fara at arbeiða soleiðis, at vit taka ein tekst ígjøgnum hvønn dag. Vit lesa tekstin í skúlanum saman, síðani lesa tey upp á heima, so lesa og arbeiða vit aftur við tekstinum í skúlanum dagineftir. Hetta merkir, at tey skulu lesa í hesi lesibók heima, umframt at lesa í frílesingin bókunum (súlu- og krabbabøkur).

Vit gleða okkum at royna hetta nýggja tilfarið, og vóna at tit fara at taka væl í móti tí.

 

Kunning 16/8-2018!

 

Tímatalva

Hósdagin fingu næmingarnir eina tímatalvu við heim, men av missgávum er onkur villa komin í tímatalvuna, tí fáa næmingarnir nýggja tímatalvu í morgin.

Mjólkapappír

Næmingarnir fingu mjólkapappír við heim í postmappuna hósdagin.

Skúlataskan

Í pennahúsanum skal vera: blýantar, viskileður, linjál, blýantspískari, saksur, límstift og litblýantar.

Postmappan skal altíð vera í skúlataskuni.

Útferð

Um viðrar fer allur skúlin útferð týsdagin; fylgjið við á heimasíðu skúlans (www.eysturskulin.fo).

 

Týdningarmikil kunning 14.juni 18

 

Góðu foreldur og næmingar

Í dag fingu vit boðini, um at Finn, pápi Dávid, andaðist í nátt. Hetta eftir eina langa sjúkralegu. Vit hava í dag kunnað børnini um hetta saman við umboðum frá frítíðarskúlanum.

Í morgin kl.8.30 fer flokkurin at hava eitt minningarhald í skúlanum, har Dávid og mamman møguliga verða við. Til hesa løtu fara vit út saman við stjóranum og flaggið verður vundið í hálva stong, síðani verður biðið faðir vár og ein sálmur verður sungin.

Tá jarðarferðin verður fara lærararnir til jarðarferð. Um tit, foreldur, hava hug at taka børnini við til jarðarferð, so fáa børnini frí til hetta. Tað er ikki neyðugt at biðja um loyvið.

Eru spurningar kunnu tit venda tykkum til Rebekku (289350) og Guðrun (520054).

 

Ítróttardagar juni '18

 

Grunddeildin fer at hava ítróttadagar hósdagin 7. juni og fríggjadagin 8. juni.

Hósdagin fara vit niðan á Tórsbreyt, har skipar Bragdið fyri nøkrum kappingum. Vit fara niðan aftaná morgunsangin, og verða aftur á skúlanum uml. kl. 12.30.

Fríggjadagin verða vit á Eysturvølli; har fara vit at gera ymiskar staffetir. Tá hetta er liðugt fara vit at hugna okkum saman. Síðani fara næmingarnir í frítíðarskúla.

Næmingarnir skulu vera í ítróttaklæðum og góðum skóm – vit verða úti allan dagin.

Tey skulu ikki hava skúlatasku við hesar dagar, men matarklemmu, ein góðan matpakka og drekkidunk.

 

Blíðar heilsanir

Flokslærararnir

Sangátak

 

Mikudagin 13.juni verður sangátak við 1.flokkunum í Tórhavnar kommunu. 1. Flokkur í Eysturskúlanum hevur eisini luttikið í hesum átaki. Tey hava saman við Joannu og Miriam vant einar 10 sangir, sum tey henda dagin fara at framfør fyri tykkum foreldrum.

Tvær konsertir verða, ein kl.17 og hin kl.18.

Atgongumerki kunnu keypast á heimasíðuni hjá Norðurlandahúsinum. Kosnaðurin er 20 kr. http://www.nlh.fo/#/2117/barnakortiltak 

Felagsvenjing verður týsdagin 12.juni kl.10-12, tá fara flokslærar við næmingunum í Norðurlandahúsið.

Mikudagin tá konsertirnar verða, skulu næmingarnir møta áðrenn fyrru konsertina – Næmingarnir skulu møta kl. 16.45.

Meðan konsertirnar eru, skulu næmingar vera saman við lærarunum. Eftir seinnu konsertina skulu næmingarnir heintast av foreldrunum.

 

Blíðar heilsanir

Rebekka og Guðrun

Framløgur   

Mánadagin byrja vit upp á framløgur. Tveir næmingar leggja fram hvørja viku, hetta verður mánadag og mikudag.

Næmingarnir skulu hava eitt "ting" við, sum tey fara at leggja fram um. Hetta kann eitt nú vera ein leika, ein bók ella eitt upplivilsi, sum tey kunnu vísa á. 

Framløgan verður uml. 5 min., og aftaná sleppa næmingarnir at spyrja spurningar. Lærarin hjálpir til um neyðugt.

Endurskinsvestar

Tey fingu endurskinsvestar í vikuni. Vit hildu tað vera eitt gott hugskot at taka mynd í myrkri, so tað sást hvussu væl vit síggjast, tá ið vit brúka endurskin.

Frídagar í novembur

Góðu foreldur og avvarðandi

Týsdagin 7.november hava allir næmingar Eysturskúlans frí. Hetta er í samband við eina ráðstevnu, sum Mentamálaráðið skipar fyri. Ráðstevnan kallast: "Mennandi samstarv um framtíðarskúlan"
Frítíðarskúlin er opin frá kl. 8.00 og allan dagin, fyri næmingunum í 1. og 2. flokki.


Seinni í november, hósdagin 16. og fríggjadagin 17., er eisini broyting í tímatalvuni. Tá skipar Eysturskúlin fyri ráðleggingardøgum. Hósdagin fáa næmingarnir frí klokkan 12.45 og fríggjadagurin er frídagur.
Hósdagin kemur frítíðarskúlin eftir næmingunum. Tit frætta nærri um, hvussu verður við fríggjadegnum.

 

 

 

Foreldraviðtalur 30.-31. okt 2017

Meginreglur Eysturskúlans til hoyringar

Góðu foreldur og avvarðandi
Á leinkjuni niðanfyri finna tit meginreglur Eysturskúlans. Tær eru lagdar út til hoyringar og tit eru vælkomin at gera viðmerkingar. Vinarliga sendið viðmerkingarnar til eys@skulin.fo
Freistin at senda viðmerkingarnar, er mánadagin 20.november 2017.

Sí leinkju:

http://www.eysturskulin.fo/?p=newsarticle&NewsarticleId=170 

Felags foreldrafundur

Felags foreldrafundur verður mikudagin 20. sep. Meir kunning kemur seinni.

Fnat

Góðu foreldur

Vit vilja kunna tykkum um, at 'fnat' gongur í innskúlingini. Er illgruni um 'fnat' hjá tykkara barni, er týdningarmikið at koma í viðgerð beinanvegin. Her er viðfest ein leinkja.

https://www.netdoktor.dk/sygdomme/fakta/fnat.htm

 

Boð frá Biritu í foreldraráðnum!

Birita hevur roynt at gjørt ein bólk á facebook til foreldrini at børnunum í 1.flokki, men trupulleikin er, at hon veit ikki, hvørji øll foreldrini eru, tí hevði verið gott, um tit kundu addað hana á facebook, so fær hon gjørt bólkin.

Birita Baldvinsdóttir Eidesgaard

Hanna og Guðrun á skeið

Hanna og Guðrun fara á súluskeið mánadagin, týsdagin og mikudagin. Vit verða aftur í skúla hósdagin. Av somu orsøk skulu genturnar ikki svimja mikudagin 30/8, sum tað stendur í yvirlitinum, sum tit hava fingið. Bæði genturnar og dreingirnar hava ítrótt 30/8. Ítóttayvirlitið verður tó galdandi aftan á tað.

Miriam, Elly og Rannvá vera vikarar fyri okkum. Miriam kenna tey frá sangtímanum. Annars verður Rebekka har eisini.