Annað

Amboð
Hjá næmingum í framhaldsdeildini er sera hent at eiga farteldu, har forrit við orðabókum er á. Í støddfrøði skal næmingur hava passara, vinkulmátara og roknimaskinu til framhaldsdeild.

Áheitan
Heitt verður á tey foreldur, sum koyra børn síni í skúla, at seta tey av við gongubreytina skúlans megin, og ikki koyra inn á parkeringsøkið, tí tað er ikki nóg trygt, og tað skapar ferðsluruðuleika.

Ábyrgd
Hevur næmingur fartelefon, pening ella aðrar lutir við í skúla, tekur skúlin onga ábyrgd av hesum.

Strok
Tekning fer fram umvegis telduna ella skrivstovuna.

Bóltspæl
Alt bóltspæl gongur fyri seg úti

Bøkur
Næmingar skulu leggja pappír um allar bøkur, teir fáa frá skúlanum. Verður bók burtur, rindar næmingurin sjálvur ta nýggju.

Fartelefonir
Skulu verða sløktar, meðan undirvísing er. Lærari hevur rætt at taka fartelefonir, sum ikki eru sløktar í tímunum. Tær verða handaðar leiðsluni, sum bert letur tær aftur til foreldur ella onnur avvarðandi.

Frávera
Flokslærarin hevur heimild at geva næmingi frí tveir dagar, annars skal heimið venda sær skrivliga til skúlan. Um næmingur hevur verið burtur, krevst skrivlig váttan frá foreldrum, tá hann kemur aftur í skúla. Um næmingur ikki fær fylgt undirvísing í eitt nú ítrótti, skal hann hava seðil við heimanífrá.

Gloymdir lutir
Hanga í glasskápi í gongini

Gloymd klæðir
Vendið tykkum til reingerðarfólkini

Matarsteðgurin
Er frá 11.30 – 11.45. Næmingarnir hava matpakka við. Lærari situr hjá næmingunum, meðan etið verður. Allir næmingar floksins skulu sita í floksstovuni í matarsteðginum. Skal næmingur heim at eta í steðginum, krevst skrivligt loyvi heimanífrá.

Royking
Skúlin er roykfríur